दुर्घटना न्युनिकरण गर्न गैंडाकोटमा जेब्राक्रसिङ

गैडाकोट। पूर्बि नवलपरासीको गैंडाकोटमा स्थानियको सहयोगमा जेब्राक्रसिङ निर्माण गरिएको छ । अस्थायी ट्राफिक प्रहरी पोष्ट गैंडाकोटको समन्वय, महादेव टोल विकास संस्थासँगको सहकार्यमा गैंडाकोटको कांग्रेसचोक निवासी स्थानिय व्यवसायी, सामाजिक अगुवा तथा युवाहरुको सक्रियतामा जेब्रा क्रसिङ निमार्ण गरिएको संयोजक देवराज तिमिल्सीनाले जानकारी दिएका छन् । नवलपुरमा
दिनहुँ वढ्दो दुर्घटना न्युनिकरण तथा ट्राफिक नियम पालना गरौं भन्ने सन्देश सहित सचेतनामुलक कार्यक्रम गरिएको तिमिल्सीनाले बताए । पुर्व पश्चिम राजमार्गको गैंडाकोट ५ कांग्रेसचोकमा यात्रुलाई बाटो काट्न गाह्रो भईरहेको अवस्थामा जेब्रा क्रसिङ निर्माणले सहयोग पुग्ने विश्वास व्यक्त गरेका छन् । सो अवसरमा अस्थायी ट्राफिक प्रहरी पोष्ट गैंडाकोटका प्रहरी हवल्दार बलबहादुर ओली, समाजसेवी प्रकाश अधिकारी लगायतको उपस्थिती रहेको थियो ।