सनराइजर्स हैदरावाद शीर्ष स्थानमा, सन्दीपको टोली दिल्लीको तेस्रो हार

काठमाडौं ।आंइपीएल २०१९ अन्तर्गत नेपाली खेलाडी सन्दीप रहेको दिल्ली क्यापिटल्सले तेस्रो हार बेहोरेको छ।आईपीएलको १६ औं म्याचमा दिल्ली क्यापिटललाई सनराइजर्स हैदरावादले पाँच विकेटले हराएको हो । । १३० रनको लक्ष्यलाई हैदरावादले १८.३ ओभरमा हासिल गर्यो । दिल्लीविरुद्ध हैदरावादको लगातार तेस्रो जित हो । हैदरवादका लागि जोनी बेयरस्टोले सर्वा्धिक ४८ रन बनाए । उनले २८ बलमा नौ चौका र एक छक्का प्रहार गरे । बेयरस्टोले डेभिड वार्नरसँग पहिलो विकेटका लागि ६४ रनको साझेदारी गरेर वार्नर १० रनमा आउट भए । मोहम्मद नबी नौ बलमा १७ रन बनाउँदै अविजित रहे । यस्तै विजय शंकरले १६ रन योगदान गरे । दिल्लीका लागि सन्दीप लामिछाने, अक्षर पटेल, कगिसो रबाडा, राहुल तेवतिया र इशान्त शर्माले एक–एक विकेट लिए ।
दिल्लीले निर्धा्रित २० ओभरमा आठ विकेटको क्षतिमा १२९ रन बनाएको थियो । उसका लागि कप्तान श्रेयस अय्यरले सर्वा्धिक ४३ रन बनाए । अक्षर पटेलले अन्तिम ओभरमा १३ बलमा २३ रन जोडे । उनले दुई छक्का प्रहार गरे । हैदरावादका लागि मोहम्मद नबी, कप्तान भुवनेश्वर कुमार र सिद्धार्थ कौलले दुई–दुई विकेट लिए । हैदरवादले टस जितेर बलिङको निर्णय लिएको थियो । पहिलो विकेटको रुपमा पृथ्वी शा आउट भए । उनी ११ रनमा भुवनेश्वर कुमारको बलमा बोल्ड भए । मोहम्मद नवीले शिखर धवनलाई १२ र ऋषभ पन्तलाई ५ रनमा आउट गरे । राहुल तेवतिया ५ रनमा सन्दिप लामिछानेको शिकार भए । कोलिन इनग्रामलाई पनि ५ रनमै सिद्धार्थ कौलले पभेलियन फर्काइदिए । राशिदले कप्तान श्रेयस अय्यरलाई ४३ रनमा आउट गरे ।
यस सिजनमा हैदरावादको चौथो र दिल्लीका लागि यो पाँचौं म्याच थियो । हैदरावादले तेस्रो जित दर्ता गर्यो । यस्तै दिल्लीको टिमले लगातार तेस्रो हार व्यहोर्यो । हैदरावादले यो खेलमा खेलाडीहरु परिवर्तन गरेको थिएन तर दिल्लीका तीन खेलाडी परिवर्तन गरिएको थियो । उसले इशान्त शर्मा, अक्षर पटेल र राहुल तेवतियालाई टिममा सामेल गरेको थियो । हनुमा बिहारी, हर्षल पटेल र आवेश खान टिममा थिएनन् ।
ओकेबाट साभार