बलात्कारको आरोपमा कावासोतीमा एक जना पक्राउ

तिर्थराज डुर्मे
कावासोती । जिल्ला प्रहरी कार्यालय नवलपरासी (बर्दघाट सुस्ता पूर्व)ले बलात्कार घटनाको आरोपितलाई आज गिरफ्तार गरेको छ ।
४२ वर्षीय अपाङ्गता भएकी (बोल्न नसक्ने) महिलालाई बलात्कार गरेको आरोपमा प्रहरीले भारत मोतिहारी जिल्ला घर भई कावासोती–१६ डण्डा बस्ने वर्ष ४० को भुनेस कुसहवालाई चैत २२ गते गिरफ्तार गरेको छ ।
अपाङ्गता भएकी महिलालाई चैत २२ गते आरोपितले पीडित महिलालाई बलात्कार गरेको मौखिक उजुरीको आधारमा आरोपित कुसहवालाई गिरफ्तार गरेको जिल्ला प्रहरी कार्यालय नवलपरासी (बर्दघाट सुस्ता पूर्व)का डिएसपी अर्जुन रानाभाटले बताए ।पीडित महिलालाई स्वास्थ्य परिक्षणको लागि भरतपुर अस्पताल चितवन पठाइएको डिएसी रानाभाटले  बताए । आरोपित कुसहवालाई जिल्ला प्रहरी कार्यालयमा राखि घटनाको बिषयमा अनुसन्धान भइरहेको डिएसपी रानाभाटले बताए ।