रेडियो कावासोतीको अध्यक्षमा विद्रोहि गिरी

कावासोती । समाज रुपान्तरणमा हाम्रो आवाज भन्ने मूल नाराका साथ स्थापना भएको रेडियो कावासोती १०२.६ मेघाहर्जको नया कार्य समितको अध्यक्षमा विद्रोहि गिरी चयन भएका छन । यस्तै समितिको सचिवमा जीवनराज सापकोटा , कोषध्यक्षमा तिर्थराज डुम्रे चयन भएका छन । यस्तै सदस्यहरुमा ज्ञानेन्द्र्र न्यौपाने , भोजराज दाहाल र केशवराज भट्टराई चयन भएका छन । नया कार्यसमितिले दयाराम आचार्यलाई स्टेशन म्यानेजरमा नियुक्त गरेको छ । नया समितिका अध्यक्ष गिरीले आफ्नो कार्यकालमा रेडियो मार्फत् नवलपुरको समृद्धि र विकासमा निरन्तर रुपमा लागि पर्ने प्रतिबद्धता जनाएका छन । समाज भित्रका दबिएका आवाजहरुलाई बुलन्द गर्दै रेडियो मार्फत् उनीहरुको उत्थानमा अग्रसर हुने समेत बताएका छन । विगत साढे दुई वर्षबाट कावासोती दुईबाट नियमित रुपमा निजी क्षेत्रबाट संचालित रेडियो कावासोतीले दैनिक स्थानीय तथा राष्ट्रिय समाचार , बाल कार्यक्रम , नगर गतिविधी , वैदेशिक रोजगारी लगायतका कार्यक्रमहरु प्रशारण गर्दै आईरहेको छ ।