नमुना पोष्टप्रकाशित मिति: २०७६ बैशाख ५, बिहिबार (४ साल अघि)
हेटौंडा ।विप्लब नेतृत्वको नेकपाको नेपाल बन्दको प्रभाव देशभरी नै परेको छ । मकवानपुरमा दुई वटा सवारीमाथि आगजनी भएको छ । उत्तरी मकवानपुरको थाहा नगरपालिकामा गएराति कुखुरा बोक्ने बोलेरो र बिहान भीमफेदी गाउँपालिकामा तरकारी बोक्ने आइचरमा आगजनी भएको जिल्ला प्रहरी कार्यालय मकवानपुरले जनाएको छ ।
जिल्ला प्रहरी कार्यालय मकवानपुरका प्रवक्ता, प्रहरी निरीक्षक सागरविक्रम राणाका अनुसार थाहा नगरपालिका वडा नं ४ सिमभञ्ज्याङमा हेटौंडातर्फ आइरहेको ना २ च ९०९४ नंबरको कुखुरा बोक्ने बोलेरो गाडीमाथि ३ जनाको अज्ञात समूहले आगजनी गरेका हुन् । बोलेरोको अगाडिको भागमा पूर्ण रुपले क्षति पुगेको उनले जानकारी दिए ।
त्यस्तै, भीमफेदी गाउँपालिका वडा नं ९ गोलमोडमा बिहीबार आज बिहान १२ बजेर २० मिनेट जाँदा पालुङ तर्फ गइरहेको ना ४ ख ७९६० नंबरको तरकारी लोड गरेको मिनी आइचरमा तोडफोड र आगजनी भएको छ । आइचरमा अज्ञात समुहले आगजनी गरेको जनाइएको छ । आइचरको समेत अगाडिको भागमा पूर्ण रुपले क्षति पुगेको छ ।
यता, हेटौंडा उपमहानगरपालिका वडा नं ८ को कार्यालय अगाडि शंकास्पद वस्तु फेला परेको प्रहरी प्रवत्ता राणाले बताए । घटनास्थलमा प्रहरी र नेपाली सेनाको टोली पुगेको उनले जानकारी दिए । घटनाको थप विवरण आउन बाँकी छ ।
eautonepal.com बाट साभार
नमुना सन्देश साप्ताहिक द्वारा संचालित
नमुना पोष्टडट कम का लागि
कावासोती - २ नवलपुर
9867130145
[email protected]
[email protected]
