मध्यविन्दु नगरपालिकामा बिद्युत अनियमितताले खानेपानी संकट

ज्ञानु पंगेनी
कावासोती । विगत १५ दिनबाट विद्युत् प्रवाहमा समस्या आउदा मध्यविन्दु नगरपालिकाका बासिन्दालाई खानेपानीको निक्कै समस्या भएको छ ।
नवलपुरको मध्यविन्दु नगरपालिका ६ बरुवा – हर्दियाका बासिन्दाले लो भोल्टेजका कारण ईनारबाट खानेपानी निकाल्न नपाएको गुनासो गरेका छन । यहाका अधिकाशं बासिन्दाले ईनारको पानी प्रयोग गर्दै आएका छन । ईनारमा मोटरले पानी तानेर प्रयोग गर्दै आएका यहाका बासिन्दाले विगत १५ दिनबाट बाल्टीको प्रयोगले पानी तानेर दैनिक काम गर्नुपर्दा निक्कै समस्या भएको गुनासो गरेका छन । स्थानीय अगुवा तथा नव क्षितिज विकास परिषदका अध्यक्ष धर्मराज लुईटेलले वर्षौबाट छोपेर राखेको ईनारबाट अहिले एकाएक बाल्टीले पानी तानेर प्रयोग गर्नुपर्दा साह्रै दुःख भएको बताए । ‘ अहिले सुख्खा सिजनमा मुहान पनि सुक्ने समय ,पानीको प्रयोग पनि बढि हुने समयमा मोटरबाट पानी तान्न नपाउदा दैनिकीमा नै असर परेको छ । ’ लुईटेलले भने मध्यविन्दु वडा नम्बर ६ को बरुवा , हर्दिया , भडरा , टा“डी का करीब ५ सय घर प्रभावित भएका छन । यहा ५० केभिको ट्रान्सफर्मर जडान गरिएको छ तर भोल्टेज कम हुदा अहिले गाउ नै अन्धकार बनेको स्थानीयको भनाई छ । भोल्टेज नै नहुदा कुनै पनि विद्युतीय सामाग्री चलेको छैन । सि.एफ. एल. चिम मधुरो बलेको छ त्यसबाहेक अरु कुनै पनि विद्युतीय सामाग्री नचल्दा मर्कामा परेको स्थानीयले बताएका छन ।
यहाका धेरै बासिन्दा व्यवसायिक तरकारी खेती गर्दै आएका छन । डिप बोरिङ्ग मार्फत् सिंचाई गर्दै आएका किसानले तरकारीमा पानी राख्न नपाउदा तरकारी सुक्न थालेको भन्दै चिन्तित बनेका छन । स्थानीय किसान ताराप्रसाद भट्टराईले विद्युत् नहुदा खेती सिंचाई गर्न नपाएको बताए । यस्तै गाईवस्तुलाई पानी खुवाउन समस्या भएको , मिल नचल्दा धान गहु कुटाउन नपाएको , गर्मिमा पङ्खा नचल्दा रातभर सुत्नै नसक्ने अवस्था रहेको उनले बताए । नेपाल विद्युत् प्राविधरण कावासोती शाखा प्रमुख राजिव कुमार शर्माले त्यहा बर्दघाटबाट विद्युत् ल्याएकाले अहिले भोल्टेजमा समस्या देखिएको जानकारी दिए । विद्युत्को खपत बढि हुदा ट्रान्फर्मरले धान्न नसक्दा समस्या आएको उनको भनाई छ । नया ट्रान्फर्मर खरिदका लागि वडा र नगरपालिकाबाट सहजीकरण गर्न उनले सम्बन्धि निकाय र स्थानीय अगुवालाई सुझाव दिएका छन ।
नव क्षितिज विकास परिषदले मध्यविन्दु नगपालिकाका प्रमुख चन्द्र वहादुर रानालाई ट्रान्फर्ममरको क्षमता वृद्धिका लागि ध्यानाकर्षण समेत गराएको छ । नगर प्रमुख रानाले स्थानीयको समस्यालाई आफुले बुझेकाले ट्रान्फर्मरको क्षमता वृद्धि गर्न आफुले तुरुन्तै पहल गर्ने प्रतिबद्धता जनाएका छन ।