यस्तो बन्दै छ , कावासोती नगरपालीकाको पाँच तले भवन

पहिलो तला व्यवसायिक प्रयोजनका लागि प्रयोग गरिने छ ,दोस्रो तलामा बैकंका लागि प्रदान गरिने र तेश्रो तला देखी माथीका अन्य तलामा नगरपालिकाको सेवा प्रदान गरिने छ ।

दयाराम आचार्य

कावासोती । नवलपरासी पूर्व नवलपुरको कावासोती नगरपालिकाले सुविधा सम्पन्न आधुनिक कार्यालय भवन निर्माण गर्ने भएको छ । कावासोती नगरपालिकाले करिब रु ३३ करोडको लागतमा पांच तलाको भवन निर्माण गर्ने लागेको हो । नगरपालिकाको हाल रहेको कार्यालय भवन सेवा प्रदानका लागि आवश्यक कक्षहरुको अभाव भएसंगै नगरपालिकाले आधुनिक सुविधा सम्पन्न भवन निर्माण गर्न लागेको कावासोती नगरपालिकाको आर्किटेक्ट इन्जिनियर पवन रुपाखेतीले बताए ।
निर्माण गर्न लागिएको भवनमा भुमिगत रुपमा पार्किङ हुनेछ । पहिलो तला व्यवसायिक प्रयोजनका लागि प्रयोग गरिने छ ,दोस्रो तलामा बैकंका लागि प्रदान गरिने र तेश्रो तला देखी माथीका अन्य तलामा नगरपालिकाको सेवा प्रदान गरिने छ । भवनको माथिल्लो भागमा सभाहल निर्माण गरिने आर्किटेक्ट इन्जिनियर रुपाखेतीले बताए । भवनको व्यापारीक , बैंकीङ क्षेत्रमा प्रवेशका लागि फरक द्धार निर्माण गरिने छ भने, कार्यालय प्रवेशका लागि फरक द्धार निर्माण गरिने गरि नक्शा तयार पारिएको उनले बताए । माथिल्लो तलामा कार्यालय हुने भएपछी सेवाग्राहीलाई सहजरुपमा आउन जानका लागि लिफ्टको समेत व्यवस्था गरिने उनले बताए । पहिलो चरणमा करिब रु १७ करोडमा दुई वर्षभित्रमा दुई तला निर्माण गर्नेगरि कार्यप्रारम्भ गर्न लागिएको आर्किटेक्ट इन्जिनियर रुपाखेतीले बताए ।
कावासोती नगरपालिकाको आन्तरिक श्रोतको रकमबाट भवन निर्माण गर्न लागिएको नगरपालिकाले जनाएको छ । भवन निर्माण सम्पन्न भएसंगै सेवाग्राहीलाई सहज रुपमा सेवा प्रदान गर्न सकिने आर्किटेक्ट इन्जिनियर रुपाखेतीले बताए