बुटवलको होटलमा काबासोतीका युवक मृत फेला

रुपन्देहीः बुटवल उपमहानगरपालिका—६ नेपालगंज रोड स्थित जगत देबी सागर होटलमा एक युवक मृत फेला परेका छन् । मृत्यु हुनेमा नवलपुर काबासोती नगरपालिका— ३ बस्ने २८ वर्षीय जिबन थापा रहेका छन् ।

शुक्रबार थापासहित ६ जना केटा र २ जना केटी गरी ८ जना ३ वटा कोठा बुक गरी बसेकोमा उनी मृत अबस्थामा भेटिएका हुन् ।

१०८ नम्बर कोठामा सुतेको बिहान साथीहरुले उठाउदा नउठेको र हेर्दा बेहोस देखिएपछि साथीहरू र होटल साहुले उपचारको लागि लुम्बिनी प्रादेशिक अस्पताल बुटवलमा लगेको बताइएको छ ।

उपचारको क्रममा अस्पतालले थापालाई मृत्यु घोषणा गरेको बताइएको छ । यस सम्बन्धमा प्रहरीले आवश्यक अनुसन्धान गरिरहेको बताएको छ ।