मासुु खाए ५० हजार जरिवाना, सूचना दिए १५ हजार इनाम दिने निर्णय (हेर्नुहोस पुरा)

गोरखा, ५ जेठ । गोरखाको एउटा वडा कार्यालयले मासु किन्न, खान र पशुपंक्षी पाल्न कडा प्रतिबन्ध लगाएको छ । कसैले यसको उल्लंघन गरे ठूलो मात्रामा जरिवाना तिर्नुपर्नेछ ।

‘अब हाम्रो वडाभित्र पशुपंक्षी काटमार गर्नेलाई ५० हजार, मासु बेचबिखन गर्नेलाई ५० हजार र किन्नेलाई पनि ५० हजार रुपैयाँ जरिबाना हुनेछ’, चुमनुब्री गाउँपालिका–४ का अध्यक्ष पेमा डुन्डुप लामाले भने, ‘कोही कसैले काटमार गरेको घटनाबारे हामीलाई सूचना दिएमा १५ हजार रुपैयाँ इनाम दिने निर्णय भएको छ ।’ यो नियमबारे गाउँपालिका र प्रहरीलाई समेत जानकारी गराइएको उनले बताए ।

उनका अनुसार जरिवाना बापत संकलन हुने रकम अहिंसा अभियानमै खर्च गरिने छ । ‘हाम्रो वडा क्षेत्रभित्र काटेर खाने उद्देश्यले चौपाया किनबेच नगर्न छिमेकी वडामा समेत पत्राचार गरिएको छ’, उनले भने, ‘हाम्रो वडाभित्र त अब मासु खाने उद्देश्यले पशुपंक्षी किनबेच हुँदै–हुँदैन । छिमेकी वडाले पनि यसको देखासिकी गरून् भनेर पत्राचार गरेका हौं । यो नियमको गाउँपालिकाभरि प्रशंसा भएको छ ।’

चुमनुब्री–१ को सामागाउँ, २ को ल्हो, ४ को प्रोक, ५ को बिही, ६ को चुम्चेत र ७ को छेकम्पार गाउँ (पहिला सबै गाविस थिए) विगतदेखि काटमार निषेधित मानिन्छन् । तर, स्थानीय सरकारले नै प्रतिबन्ध लगाएको भने यो पहिलो वडा हो ।

पछिल्लो समय पर्यटकीय क्षेत्र भएकाले होटलमा बाहिरी गाउँका व्यवसायी आएर लुकिछिपी काटमार र मासुको व्यापार, व्यवसाय गर्न थालेपछि नियम बनाउनु परेको नाम्रुङका लाक्पाडुन्डुप लामाले बताए । ती गाउँमा एकाध इसाई बाहेक सबै बुद्ध धर्मावलम्बी बसोबास गर्छन् ।

उक्त क्षेत्रलाई हिंसामुक्त बनाउन मनास्लु संरक्षण क्षेत्र आयोजनाले पनि सघाएको छ । आयोजनाले सात वटै वडामा चोरी सिकारी निरुत्साहित गर्ने कार्यक्रम गर्दै आएको आयोजना प्रमुख नरेन्द्र लामाले जानकारी दिए । उनका अनुसार अहिंसा अभियानलाई राष्ट्रियस्तरमै प्रचारप्रसार गर्न सहयोग गर्ने कार्यक्रम छ । अन्नपूर्ण पोष्ट

यस्तो रहेछ !, पाकिस्तानी दम्पतीको नेपालमा “लुट्ने” शैलि, सिसि टिभी “फुटेज” भिडियो हेर्नुहोस !
काठमाडौं – चोरीको आरोपमा १ पाकिस्तानी दम्पती पक्राउ परेका थिए । महानगरीय प्रहरी अपराध महाशाखाको टोलीले मङ्गलबार दुईजना पाकिस्तानी नागरिकलाई पक्राउ गरेपछि चोरीको अर्को तरिकाको पर्दाफास भएको हो। चोरीको अभियोगमा महाशाखाको टोलीले पाकिस्तानी नागरिक मोहसिन खान र उनकी श्रीमती पूजा मोसिन खानलाई नियन्त्रणमा लिएर अनुसन्धान गर्दा चोरीको नयाँ तरिका पत्ता लागेको हो।

यस्तो छ चोरीको पाकिस्तानी दम्पत्ती शैली
वैशाख २९ गते साँझ करिब सात बजे। बा १९ च ७४ नम्बरको कार सूर्यविनायकमा रामकृष्ण श्रेष्ठले सञ्चालन गरेको आर.के. इलेक्ट्रिक एन्ड इलेक्ट्रोनिक्स सेन्टर अगाडि रोकियो।गाडीबाट एक दम्पत्ती बाहिर निस्किन्छन् र पसलका सञ्चालक श्रेष्ठलाई भेट्छन्। उनीहरूले आफू परिचय दिन्छन्। उनीहरू पाकिस्तानी नागरिक भएको खुल्छ। नाम मोहसिन खान र मोसिन खान। उनीहरुले आफू सामान किन्ने तर नेपाली पैसा नभएको बताउँछन्।

उनीहरू सामान हेर्न थाल्छन्। विदेशी नागरिकले सामान हेर्न थालेपछि श्रेष्ठ पनि दंग पर्छन्। ती दम्पत्तीले नेपालको सबैभन्दा ठूलो नोट नदेखेको र हेर्न चाहेको बताउँछन्। विदेशी धेरै मूल्यको सामान लेलान् भन्ने लोभमा श्रेष्ठले एक लाखको बिटो देखाउँदै उनीहरुलाई दिन्छन्। नोटको बिटो एकछिन हेरेर छामछुम पारेपछि एकलाखको बिटो फिर्ता दिएर उनीहरु बहाना बनाएर सामान नकिनि निस्किन्छन्।

उनीहरु बाहिरिएको केही समयपछि श्रेष्ठलाई शंका लाग्छ। त्यसपछि बल्ल उनी एकलाखको बिटो गन्न थाल्छन्। तबमात्र उनले थाहा पाउँछन्, एकलाखको बिटोबाट ३० हजार गायब। उनीहरुको कलाबारे महाशाखाका एसपी केदार ढकालले भने, ‘ पैसाको बिटोबाट केही रकम थाहा नै नपाइ चोरी गर्ने कला देखियो। उनीहरू चोर्ने उदेश्यले नै पैसाको बिटो माग्ने गरेको पाइयो।‘

पाकिस्तानी दम्पत्तीले श्रेष्ठको मात्र हैन लोकन्थलीमा सन्तकृष्ण हेकाले सञ्चालन गरेको हेका किचेन स्टोर्सबाट ७० हजार रुपैयाँ चोरी गरेको खुलेको छ। खान दम्पतीले श्रेष्ठलाई झैँ नेपाली ठुलो नोट हेर्ने भन्दै झुक्काएर चोरी गरेको प्रहरीको दाबी छ। भाडामा लिएको गाडी लिएर उनीहरु उपत्यका बाहिरका जिल्लामा समेत चोरी गर्ने गरेको खुलेको छ।

उनीहरूले उपत्यकामा मात्र होइन बुटवलमा शारदा वाग्लेले सञ्चालन गरेको राईजिङ स्पोर्टस् ग्यालरीबाट १ लाख ५० हजार रकम चोरी गरी लगेको प्रहरीको दाबी छ। ‘ विभिन्न भाडामा गाडि दिने कम्पनिसँग भाडामा लिएर चोरी गर्दै हिड्ने गरेको खुल्यो,‘ महाशाखाका एसएसपी सहकुल थापाले भने।

प्रहरी अनुसन्धानमा खान दम्पती दुई छोराछोरी सहित एक महिना अगाडि पर्यटक भिसामा नेपाल आएका थिए। उनीहरुले केहीस्थानमा डकैती समेत गरेको प्रारम्भिक अनुसन्धानमा खुलेको एसएसपी थापाले बताए।‘ धेरै रकमको कारोबार हुने पसलमा गएर विभिन्न बहानामा पसलको गल्ला हेर्ने र पैसा लिएर बाहिर तयारी अवस्थामा राखेको कार लिएर भाग्ने गरेको देखियो,‘ थापाले भने। उनीहरुले चोरी गरिएको रकम विदेश पठाए वा विलासितमा खर्च गरे भन्ने खुल्न बाँकी नै छ। भिडियो ।