कावासोतीमा प्रथम जटायु कप क्रिकेट प्रतियोगिता हुदै

बिजय चालिसे
कावासोती । पूर्बि नवलपरासीको कावासोतीमा हुने प्रथम जटायुकप क्रिकेट प्रतियोगिता २०७६ को तयारी तीब्र पारिएको छ । जटायु रेष्टुरेन्ट ब्यबस्थापन समितिको आयोजना, कावासोती नगरपालिकाको सहयोग एवंम जिल्ला खेलकुद बिकास समिती र नवलपुर क्रीकेट सङ्घको समन्वयमा जेठ १० गतेदेखि हुन लागेको प्रतियोगिताको तयारी तीब्र पारिएको आज आयोजित पत्रकार सम्मेलन मार्फत जानकारी गराइएको छ । प्रतियोगिताका बारेमा जानकारी गराउँदै आयोजक जटायु रेष्टुरेन्ट ब्यबस्थापन समितिका अध्यक्ष डिबी चौधरीले बिश्वमै लोप हुँदै गइरहेको दुर्लभ गिद्ध सरक्षणमा प्रतियोगिताले थप टेपा पुग्ने बिश्वास दिइएको बताए । उनले दिगो जैबिक बिबिधता सरक्षण तथा पर्यापर्यटनको बिकासमा युवाको सहभागिता बढाउन एवंम गुणस्तरीय खेलाडी उत्पादन गरि जिल्ला, प्रदेश र सङ्घिय स्तरसम्म सहभागिता सुनिस्चित गराउन पनि प्रतियोगिता महत्वपूर्ण हुने बताए । जेठ २५ गतेसम्म संचालन हुने प्रतियोगितामा कावासोती नगरपालिकाका सबै १७ वटै वडाहरुको सहभागिता रहने सयोजक चौधरिले जानकारी दिए । टि ट्वान्टी फरम्याटमा खेलाईने खेलको बिजेताले ५० हजार नगदसहित शिल्ड, ट्रफी र प्रमाणपत्र प्राप्त गर्नेछन भने दोस्रो हुने टिमलाई ३० हजार नगदसहित शिल्ड, मेडल र प्रमाणपत्र प्रदान गरिने आयोजकले जनाएको छ ।
पत्रकार सम्मेलनमा बोल्दै नवलपुर क्रिकेट सङ्घका अध्यक्ष प्रकाश पौडेलले नवलपुरमा पनि क्रीकेटको राम्रो सम्भावना भएको भन्दै यस्ता प्रतियोगिताले खेलाडी उत्पादन गर्नमा थप मद्दत पुग्ने बताउए । त्यस्तै जिल्ला खेलकुद बिकास समिति नवलपुरका अध्यक्ष बिकास केसीले खेलकुदको माध्यमबाट स्थानिय स्तरको बिकास गर्न सकिने भन्दै आयोजक प्रति धन्यवाद व्यक्त गरे । उनले प्रतियोगितालाई खेलकुद बिकास समितिले पुर्ण सहयोग गर्ने बताए । खेलकुद बिकास समिति सगँ समन्वय गरी अगाडी बढे यस किसिमका प्रतियोगितालाई जिल्ला स्तरमा रुपान्तरण गर्न आफू प्रतिबद्ध रहेको अध्यक्ष केसीले बताए । पत्रकार सम्मेलनमा वडा नम्बर १३ का अध्यक्ष बिनोद राना, विभिन्न सामुदायिक बनका अध्यक्ष एवं प्रतिनिधि, सरक्षणकर्मिहरु लगायतको सहभागिता रहेको थियो ।