नवलपुरमा बिहानै ट्रकले साईकल यात्रीलाई ठक्कर दियो, साईकल यात्रीको अवस्था गम्भीर

कावासोती । नवलपुरको कावासोती–१६ डण्डामा आज बिहान नम्बर नखुलेको ट्रकले साईकल यात्रीलाई ठक्कर दिएको छ । ट्रकको ठक्करबाट साईकल यात्री हुप्सेकोट–१ जेकेपानीका ४५ वर्षीय दुर्गा बहादुर ठाडा मगर गम्भीर घाईते भएका छन् । उनको अवस्था गम्भीर रहेको जिल्ला प्रहरी कार्यालय नवलपरासी (बर्दघाट सुस्ता पूर्व)का डिएसपी अर्जुन रानाभाटले जानकारी दिएका छन् । गम्भीर घाईते ठाडालाई उपचारको लागि भरपुर लगिएको रानाभाटले बताए । ठक्कर दिने ट्रक फरार रहेको र त्यसको खोजी कार्य जारी रहको उनले बताए ।
बिहान साढे पाँच बजे नम्बर नखुलेको ट्रकले साईकल यात्री ठाडालाई ठक्कर दिएको थियो ।