अपडेट ; सुकेधारा र अनामनगरमा सिलिण्डर विस्फोट / तीन जनाको ज्यान गयो

काठमाडौं। काठमाडौंको सुकेधारा र अनामनगर घट्टेकुलोमा भएको सिलिण्डर विस्फोटमा परी तीन जनाको मृत्यु भएको छ । घटनामा अन्य ७ जना घाइते भएका छन् ।
प्रहरी प्रवक्ता डीआईजी विश्वराज पोखरेलले घटनामा तीन जनाको मृत्यु भएको जानकारी दिए। सुकेधारास्थित ढलाने पुल नजिकै सैलुनमा सिलिन्डर विस्फोट भएको थियो । विस्फोटमा घाइते भएका ५ जनालाई ओम अस्पताल र्पुयाइएको छ । घट्टेकुलोमा भएको विस्फोटमा घाइते भएका एक जनाको वीर अस्पताल उपचार भईरहेको छ ।
प्रहरीको प्रारम्भिक अनुसन्धानमा सिलिण्डर विस्फोट भएको खुलेको रआफैं वा कसैले विस्फोट गराएको हो भन्ने अनुसन्धान भइरहेको प्रवक्ता पोखरेलले जानकारी दिए ।

थप खबर पढ्नुहोस्ः

फेरी पाँचथरपछि दार्चुलामा दम्पतीको वीभत्स हत्या ! (पुराहेरि सेयर गर्नुस)

काठमाडौं । पाँचथरको मिक्लाजुङमा वीभत्स घटना भएको साता नपुग्दै दार्चुलामा दम्पतीको हत्या भएको छ । महाकाली नगरपालिका–३ काटैमा पसल सञ्चालन गर्दै ६५ वर्षीया द्रोपती महरा र उनको पति ७५ वर्षीय वीरभान महराको शनिबार मध्यरातमा हत्या भएको हो ।

महरा दम्पतीको लठ्ठी प्रहार गरी हत्या गरिएको जिल्ला प्रहरीले जनाएको छ । आक्रमणबाट नाति १२ वर्षीय लोकेन्द्र महरा गम्भीर घाइते छन् । द्रोपतीको शव पसलभित्र मृत अवस्थामा फेला परेको प्रहरी निरीक्षक रविन्द्र कठायतले बताउनुभयो । वीरभानको भने जिल्ला अस्पतालमा उपचारको क्रममा मृत्यु भएको छ । टाउकोबाट अत्यधिक चोट र रगत बगेको कारण उनको मृत्यु भएको हो ।

‘सडक किनारामा वर्षौदेखि पसल सञ्चालन गर्दै आएका महरा परिवारको सबैको हत्या गर्ने उद्देश्यअनुरुप घटना भएको देखिन्छ’ , महाकाली नगरपालिका–३ का वडाध्यक्ष पदमसिंह महराले भन्नुभयो । सुनका गहना र पैसाको लागि हत्या गरेको हुनसक्ने उहाँको अनुमान छ ।

गाउँभन्दा टाढा पसल भएका कारण राति भएको बासिन्दाले घटना बिहान मात्रै थाहा पाएका थिए । घटना कसले र किन गरायो भन्ने केही खुलेको छैन । घटनास्थलमा खटिनुभएका प्रहरी निरीक्षक कठायतका अनुसार सानोतिनो प्रलोभनमा परेर हत्या गरेको हुन सक्छ । द्रोपतीले झण्डै दुई तोलाबराबरको सुनका मुनाडा, फुली, बुलाकी र तिलहरी लगाउनुभएको थियो ।

द्रोपतीले लगाएको सुन घटनास्थलमा भेटिएको छैन भने पसलबाट पनि के कति धनमाल लगियो भन्ने थाहा हुन नसकेको वडाध्यक्ष महराले बताउनुभयो । घाइते नाति लोकेन्द्रका अनुसार राति १२ बजे घट्ना भएको थियो । अनुहार छोपेर आएको व्यक्तिले शुरुमा बाजे, त्यसपछि बज्यै र आफूमाथि लठ्ठी प्रहार गरेको लोकेन्द्रले प्रहरीलाई दिएको बयानमा बताउनुभएको छ ।

‘मान्छे को हो भनेर चिन्न सकेको छैन, मुख पूरै बाँधेको थियो’ नातीको भनाई छ, ‘झोला बोकेर आएको थियो । निरन्तर बाजे, बज्यै कुट्न थालेपछि लडेपछि आफ्नो समेत टाउकोमा हान्यो । म खोला किनारतर्फ भागेर बाँचे ।’

बिहान बृद्धका नातिनी पूजा पसलमा आउँदा बज्यैको मृत्यु भएको तथा बाजे र भाइ घाइते अवस्थामा देखेपछि गाउँलेलाई खबर भएको थियो । ‘‘पसलमा पुग्दा रगताम्य देखियो । त्यसपछि प्रहरीलाई खबर गरेर बाजे र भाइ उपचारको लागि अस्पताल लगिएको ल्याइएको हो’ पूजाले सुनाउनुभयो ।
‘‘अस्पतालमा ल्याउँदा वीरभानको अवस्था गम्भीर रहेकाले प्रारम्भिक उपचार गराएर बाहिर पठाउन सकिने अवस्था थिएन’ , जिल्ला अस्पताल दार्चुलाका डा गजेन्द्र दुवालले भन्नुभयो, ‘अनेक कोशिस गर्दा पनि उहाँलाई बचाउन सकिएन तर नातिको भने कानमा चोट लागेको भएपनि उपचार हुँदैछ ।’ लोकेन्द्र हुस्कर मावि काटैमा कक्षा ५ मा अध्ययनरत छन् ।

घट्नाको थप अनुसन्धानको लागि सुदूरपश्चिम प्रदेश प्रहरी कार्यालयबाट तालिम प्राप्त कुकुर मगाइएको प्रहरी निरीक्षक कठायतले जानकारी दिनुभयो । पूरै परिवारको हत्या गर्ने गरी भएको घटनाले जिल्लामा त्रास बढेको छ । पछिल्लो समय जिल्लामा चोरीका घटनाहरु पनि बढ्दै गएका छन् । बढ्दो चोरी र हत्याको घटनाले सुरक्षा अवस्था कमजोर रहेको स्थानीयवासी बताउँछन् ।