नमुना पोष्टप्रकाशित मिति: २०७६ जेष्ठ २०, सोमबार (७ साल अघि)
कावासोती । भारतको प्रतिष्ठित टेलिभिजन च्यानल जी टीभिको बाल रियालिटि शो सारेगमा लिटिल च्याम्प्सको सन् २०१९ को संस्करणमा सहभागी नेपाली बाल प्रतिभा प्रितम आचार्य फाइनलमा प्रवेश गरेका छन् ।
आइतबार प्रसारण भएको श्रङ्खलामा प्रतिमले तड्प तड्प के इस दिल से बोलको गित गाउदै उत्कृष्ट प्रस्तुति दिएका थिए । उनको प्रस्तुतिबाट जज तथा जुली निकै प्रभावित भए । अब उनि फाइनल भिड्ने छन् । उनकोे प्रस्तुति पछि जुली तथा जजहरु स्टेजमा नै पुगेर उनिलाई सम्मान गरेका थिए ।
मेगा अडिसनमा बोडर फिल्मको गित गाएर उत्कृष्ट प्रस्तुति दिएका उनले सेमिफाईनल चरणमा पनि उत्कृष्ट प्रस्तुति दिएका थिए । जज सानले उनको मेगा अडिसन र सेमिफाइनलको प्रस्तुति सिजनकै उत्कृष्ट दुई प्रस्तुति भएको भन्दै तारिफ गरे । अन्तिम ६ अर्थात फाईनलको लागि उनि पहिलो छनोट भएका थिए । भारतभरका २० हजारभन्दा बढी बाल प्रतिभाहरूलाई उछिन्दै उनी यस चरणमा पुगेका हुन् ।
इटहरीका नेपाली बालप्रतिभा प्रितम आचार्यलाई उपाधिको पहिलो दाबेदारको रुपमा लिदै आइएको छ । उनी इटहरीको विश्व आदर्श स्कुलमा अध्ययनरत छन् । उनलाई अघिल्लो श्रंखलामा सलमान खानले सानोको उदित नारायण झा भएको भन्दै प्रसंसा गरेका थिए ।
https://www.youtube.com/watch?v=2ePoHU42PgQ
मिड पोइन्ट रिसर्च,इभेन्ट एण्ड मिडियाद्वारा संचालित
नमुना पोष्टडट कम का लागि
कावासोती - ३ नवलपुर
9867130145
[email protected]
सूचना विभाग दर्ता नम्बर: ४२६०-२०८०/२०८१
