आजबाट राइनो संरक्षण गोल्डकप सुरु, उद्घाटन खेलमा हिमालयन शेर्पाको जीत


कावासोती । पूर्बि नवलपरासीको मध्यविन्दु–२ कोल्हुवामा आजदेखि राइनो संरक्षण गोल्डकप फुटबल प्रतियोगिता शुरु भएको छ । आजदेखि शुरु भएको राइनो संरक्षण गोल्डकपको उद्घाटन खेलमा हिमालयन शेर्पा क्लव विजयी भएको छ । ५ ( १ गोल अन्तरले हिमालयन शेर्पा क्लव विजयी भएको हो । हिमालयन शेर्पा क्लवको लागी त्रिदेव गुरुङ, सुरज हमाल, विकाश राई, स्टेफेन, क्याप्टेन मानबहादुर तामाङले गोल गरेका थिए । भने वीरगञ्ज युथ एकेडेमीको तर्फबाट क्याप्टेन कृष्ण शाक्यले एक मात्र गोल फर्काएका थिए । राइनो क्लवको आयोजना तथा नन्द–भाउजु उपभोक्ता समिति संरक्षण रहने गरी खेल आयोजना गरिएको हो ।पूर्वी नवलपरासी जिल्लाको मध्यविन्दु–२ स्थित राइनो खेल मैदानमा शुरु भएको खेलमा राष्ट्रिय स्तरको १० टिमको सहभागिता रहेको आयोजक राइनो क्लवका अध्यक्ष दोमन भण्डारीले जानकारी दिए ।


खेलमा विभागीय नेपाली सेनाको त्रिभुवन आर्मी क्लब, नेपाल प्रहरीको टिम, सशस्त्र प्रहरीको एपीएफ टोली, आयोजक नवलपुर जिल्ला सहित ‘ए’ डिभिजनका फुटबल क्लबहरु गरी १० टिमको सहभागिता रहनेछ । प्रतियोगिताको विजेताले १० लाख, उपविजेताले ५ लाख र शिल्ड तथा ट्रफी पुरस्कार पाउनेछन् । प्रतियोगिताको सर्वोत्कृष्ट खेलाडी, सवाधिक गोलकर्ता, उत्कृष्ट गोलरक्षक, डिफेन्डर, मिडफिल्डर, स्ट्राइकर र प्रशिक्षकले आकर्षक पुरस्कार पाउने आयोजकले जनाएको छ । विश्वकै दुर्लभ एकसिंगे गैडा संरक्षणका लागि सचेतना फैलाउने उद्देश्यले नवलपुरमा विगत १० बर्षदेखि प्रतियोगिता गरिदै आएको छ । खेलको उद्घाटन मध्यविन्दु नगरपालिकाका प्रमुख चन्द्रबहादुर रानाले गरेका थिए ।

फेसबुकबाट कमेन्ट गर्नुहोस |

सम्बन्धित शिर्षकहरु
  • नवलपुरमा १५ शय्याका तीन अस्पतालको शिलान्यास । नवलपुरमा १५ शय्याका तीन अस्पतालको शिलान्यास ।
  • विनयी खोलाबाट वार्षीक चार लाख २७ हजार घनमिटर नदीजन्य पदार्थ उत्खनन् गर्न सकिने
  • १६ दिने अभियान : कावासोतीमा दिप प्रज्वलन
  • नवलपुरमा धान उत्पादनमा कमी
  • © 2020: Namuna Post All Rights Reserved. Designed by: GOJI Solution