कावासोतीमा स्वास्थ्यका लागी हिडौं कार्यक्रम हुने

ज्ञानु पंगेनी
नवलपुर  । स्वास्थ्यका लागी हिड्नु फाईदाजनक हुन्छ भन्ने सन्देश दिने उदेश्यले ‘स्वास्थ्यका लागी हिडौैं ’ कार्यक्रम कावासोतीमा हुने भएको छ । संस्थागत सामाजिक उत्तरदायीत्व कार्यक्रम अन्तरगत एनएमबि बैंकको आयोजना र रिटर्नी माइगे्रन्ट नेपाल नवलपुर शाखाको सहकार्यमा कार्यक्रम हुन लागेको हो ।यहि फागुन १० गते शनिबार कार्यक्रम हुन लागेको हो । कावासोतीको थकालीचोकबाट फलफूलचोकसम्म हिड्ने र फलफूलचोकमा पुगेर समापन गरिने विहिबार कावासोतीमा आयोजना गरिएको पत्रकार सम्मेलनमा एनएमबि बैङ्कका शााखा प्रमुख प्रकाश थापाले जानकारी दिए । स्वास्थ्यका लागी हिड्नु महत्वपूर्ण छ भन्ने चेतना तथा जागरण जगाउनका लागी यस किसिमको कार्यक्रम सम्भवतः नेपालमा नै पहिलो पटक हुन लागेको शाखा प्रमुख थापाले बताए ।

सामाजिक उत्तरदायीत्व अन्तरगत रहेर बैङ्कले विभिन्न कार्यक्रम गर्दै आइरहेको र यस पटक केहि नयाँ किसिमको कार्यक्रम गरौं भन्ने सोंचका साथ हिड्ने कार्यक्रम राखिएको थापाले बताए । दौडका कार्यक्रमहरु हुने गरेको भए पनि हिड्ने कार्यक्रम कहिं कतै भएको जानकारी नभएको हुँदा पहिलो पटक कार्यक्रम हुन लागेको थापाको दावी छ । शनिबार विहान सात बजेबाट कार्यक्रम सुरु हुने रिटर्नी माइगे्रन्ट नेपाल गण्डकी प्रदेशका अध्यक्ष नेत्र थनेतले जानकारी दिए । थनेतका अनुसार कार्यक्रममा जिल्लाका कम्तिमा पनि चार सय जनाको सहभागीता रहने गरि तयारी भएको छ । कार्यक्रममा सहभागी हुन इच्छुक व्यक्तिहरुलाई शनिबार विहान सात बजे थकालीचोकमा भेला हुन थनेतले आग्रह समेत गरेका छन् । यस्तै फलफूलचोक स्थित खुल्ला चौरमा निः शूल्क स्वास्थ्य शिविरको समेत आयोजना गरिने थनेतेले बताए । स्वास्थ्य शिविरमा मध्यविन्दु जिल्ला अस्पताल, जिवनसिटी हस्पिटल, शंकर पोलिक्लिनिक, कालीगण्डकी अस्पताल र भरतपुर स्थित पुष्पाञ्जलि अस्पतालका चिकित्सकको टोलीले जाँच गर्ने जनाइएको छ । यस्तै कार्यक्रमम नेपाल रेडक्रश सोसाईटी कावासोती उपशाखा लगायतका विभिन्न संघसंस्थाको समेत सहयोग रहेको छ । हिड्ने हो भन्ने मधुमेह , उच्च रक्तचाप जस्ता दीर्घरोबाट बच्न सकिने भएकाले पनि स्वास्थ्य हुनका लागी हिड्नु आवश्यक रहेका हुँदा कार्यक्रममा सहभागी हुन आयोजकले आग्रह गरेको छ