दिप प्रज्वलन गरि मनाइयो मध्यविन्दु बहुमुखी क्याम्पसको १४ औं वार्षिकोत्सब

कावासाेति। मध्यविन्दु  बहुमुखी क्याम्पस कावासोतिको १४  औं वार्षिकोत्सब दिप प्रज्वलन गरि मनाएको छ । वार्षिकोत्सबको अवसरमा क्याम्पसका प्राध्यापक, विद्यार्थी र सञ्चालक समितिका पदाधिकारीको उपस्थितिमा क्याम्पस परिसरमा दिप प्रज्वलन गरिएको हो ।

फागुन २३ क्याम्पसको वार्षिकोत्सब कार्यक्रम तय भएको भएपनि कोरना भाइरसका कारण सरकारले सार्वजनिक कार्यक्रमहरू नगर्न सुचना जारी गरेपछि वार्षिकोत्सब कार्यक्रम स्थगित गरिएको थियो ।

स्थापनाको १४ वर्षमा यस क्याम्पसले क्युएए मान्यता सहित देशकै उत्कृष्ट शैक्षिक संस्थाको परिचय बनाएको छ । नवलपुर सहित देशको विभिन्न स्थानबाट विद्यार्थीहरू यस क्याम्पसमा अध्ययनको लागि आउने गर्छन् ।