नवलपुरको खोलाहरुबाट धमाधम तस्करी

कावासोती । विश्वव्यापीरूपमा फैलिरहेको कोरोना भाइरस सङ्क्रमण रोकथाम तथा नियन्त्रणका लागि नेपाल सरकारद्वारा लागू गरिएको लकडाउनको मौका छोपी नवलपुरका खोलाहरुमा चोरी निकासी बढेको छ । पूर्बि नवलपरासीको बिभिन्न खोलाहरुमा खोलाजन्य पद्धार्थको धमाधम चोरी निकासी बढेको पाईएको हो । देश नै लकडाउनको अवस्थामा छ तर पनि यो समयमा नवलपुरका खहरेखोलाहरुबाट धमाधम खोलाजन्य बस्तुको तस्करी हुने गरेको छ । अहिले लकडाउनको समयमा स्थानिय सरकार र प्रशासनको ध्यान त्यो तर्फ कमै मात्रामा जानेहुदा पनि तस्करहरुलाई खोलाजन्य बस्तुको तस्करी गर्न सहज भएको देखिएको छ । मध्यबिन्दु ७ का दुर्गा मल्लको अनुसार रातदिन नभनि खोलाबाट खोलाजन्य पद्धार्थको चोरी हुने गरेको बताएका छन् । उनले यस तर्फ प्रहरी प्रशासनको ध्यान जान जरुरी देखिएको बताउछन् । यता कावासोती नगरपालिका क्षेत्रको केरुङ्गे खोलामा पनि दैनिक रुपमा खोला दोहन हुने गरेको छ । यस तर्फ स्थानिय सरकार र प्रशासनको ध्यान नजादा खोलाबाट खोलाजन्य बस्तुको तस्करी नरोकिएको हो ।

जिल्लाको केरुङ्गे खोला , गिरुवारी खोला , अरुणखोला र बिनयीखोलाबाट धमाधमरुपमा खोलाजन्य बस्तुको तस्करी भएको स्थानियले बताएका छन् । खोलाबाट खोलाजन्य पद्धार्थ चोरी निकासी हुदा राज्यलाई आउने राजश्व समेत गुमेको छ ।