विनयी त्रिवेणी गाउँपालिकाले १० शैय्याको आइसोलेशन भवन निर्माण गर्दै

गाउँपालिका अध्यक्ष जिसीका अनुसार गाउँपालिकामा आइसोलेशन नहुदा समस्या भएकोले आइसोलेशन निर्माण गर्न लागिएको हो । आइसोलेशनमा राख्नुपर्ने अवस्था आए राख्न तथा उपचार गर्न समेत समस्या हुने भएकाले आइसोलेशन कक्ष निर्माण गर्न लागिएको अध्यक्ष जिसीले बताउनुभयो ।

गण्डकी प्रदेशैकै भारतीय सीमासँग जोडिएको एक मात्र गाउ“पालिका समेत भएकाले कोरोनाको जोखिम उत्तिकै रहेको भन्दै आइसोलेशन कक्ष निर्माण गर्न लागिएको अध्यक्ष जिसीले बताउनुभयो । भारतबाट लुकिछिपी नेपाल प्रवेश गर्दा जोखिम बढेको भन्दै यसको रोकथाम र नियन्त्रणमा समेत आफूहरू लागिरहेको उहाँले बताउनुभयो ।

यस अघि विनयी त्रिवेणीका एक जनामा कोरोना सङ्क्रमण पोजेटीभ देखिएको थियो । सङ्क्रमित पुष्टि भएसँगै आफूहरुले बिरामी राख्ने ठाउँ समेत नपाएर दुः ख पाएको भन्दै गाउँपालिकामा तत्काल राख्नका लागि आइसोलेशन निर्माण गर्न लागिएको अध्यक्ष जिसीले बताउनुभयो । सङ्क्रमित व्यक्तिलाई राख्ने ठाउँ नपाउदा झण्डै चार घण्टा एम्बुलेन्समै राख्नुपर्ने अवस्था आएकाले भोलि पनि यस्तो घटना घटे समस्या हुने भन्दै गाउँपालिकाले आइसोलेशन निर्माण गर्न लागेको उहाँले बताउनुभयो । ‘यस अघि एक जनामा कोरोना सङ्क्रमण देखिदा राख्ने ठाउँ समेत पाइएन, यसले भोलि पनि समस्या आउने देखेर हामी आफैले आइसोलेशन निर्माण गर्न लागेका हौ’ अध्यक्ष जिसीले भन्नुभयो । गाउँपालिकाले दुम्किबासको सार्वजनिक स्थानमा नयाँ भवन निर्माण गरी आइसोलेशन कक्ष निर्माण गर्न लागेको हो । दश शैय्याको आइसोलेशन चाडैनै तयार पारिने अध्यक्ष जिसीले बताउनुभयो । यसका लागि समिति समेत निर्माण गरी कार्य अगाडि बढाउन लागिएको उहाँले बताउनुभयो । आइसोलेशन निर्माण पछि यदि गाउ“पालिका बासि कसैलाई राख्न परे अन्यत्र भौतारिन नपर्ने र सहजता हुने अध्यक्ष जिसीले बताउनुभयो । गाउँपालिकाको विभिन्न क्वारेण्टाइनमा हाल ५६ जना रहेको अध्यक्ष जिसीले बताउनुभयो । ५० जना पुरुष, ५ जना महिला र एक जना बालिका क्वारेण्टाइनमा रहेको उहाँले बताउनुभयो ।

जिल्ला स्वास्थ्य कार्यालय नलपुरको तथ्याङ्क अनुसार हाल जिल्ला भरि २४ शैय्याको आइसोलशन निर्माण गरिएको छ ।