नवलपरासीमा निजिआवाश पूर्ननिर्माण ८६ प्रतिशत सम्पन्न

ज्ञानु पंगेनी
कावासोती । नवलपरासीमा भुकम्प पछिको पूर्ननिर्माणको काम निजी आवसतर्फ ८६ प्रतिशत सम्पन्न भएको छ । जिल्लामा कुल एक हजार चार जना लाभग्राही रहेकोमा यसको ८६ प्रतिशत पूर्ननिर्माणको काम सकिएको छ ।
पूर्ननिर्माणको काम सम्पन्न गर्नेले तेश्रो किस्ता अनुदान समेत लिईसकेका छन् । पहिलो किस्ता लिने लाभाग्राही ९९ प्रतिशत र दोश्रो किस्ता लिने लाभग्राही ९१ प्रतिशत रहेको जिल्ला आयोजना कार्यान्वय इकाई नवलपरासी प्रमुख राजेन्द्र कार्कीले बताउनुभयो ।
पहिलो चरणमा लाभग्राहिको सूचिमा परेकाको तथ्याङ्कको आधारमा नवलपरासीमा ९७ प्रतिशतले पूर्ननिर्माणको काम सम्पन्न गरि तेश्रो किस्ताको अनुदान रकम समेत बुझिसकेको प्रमुख कार्कीले बताउनुभयो ।
उहाँका अनुसार पहिलो चरणमा ८ सय ७६ जना लाभग्राहिको सूचिमा परेका थिए । यसको ९७ प्रतिशतले पूर्ननिर्माणको काम सकि तेश्रो किस्ताको अनुदान रकम बुझेका छन् । गुनासो पछि थप एक सय २८ जना लाभग्राहि थपिएका छन् । समग्रमा गुनासो पछि थपिएका लाभग्राहि सहित ८६ प्रतिशतले पुर्ननिर्माणको काम सकेको कार्यालय प्रमुख कार्कीले बताउनुभयो ।
निजि आवशको प्रवलिकरण तर्फ १४ जना लाभग्राहि कायम भएकोमा गुनासो पछि थप ९१ जना थपिएर एक सय पाँच पुगेको छ । जस मध्य ८७ प्रतिशतले प्रथम किस्ता र ६ प्रतिशतले दोश्रो किस्ताको रकम बुझेका छन् ।
कार्यालय प्रमुख कार्कीका अनुसार गुनासो पछि दुई हजार ३९ जनालाई गैरलाभग्राही कायम गरेकोमा ५२ जनाको पुनरावेदन समितिमा पुनरावेदन प्रकृया चलेको छ । जस मध्य ३८ जनाको कागजात पुराभै पुनरावेदन समिति समक्ष निवेदन दर्ता भएको छ । समितिले लाभग्राही कायम गर्ने नगर्ने अध्यन गरि निर्णय गर्ने कार्यालय प्रमुख कार्कीले बताउनुभयो । चाडैनै निजि आवशको पुर्ननिर्माणको काम सम्पन्न गर्ने गरि कार्य अगाडी बढाईएको उहाँले बताउनुभयो ।
यसै गरि गुम्बा मर्मत सम्भार तर्फ आठ वटा गुम्बाको मर्मत सम्भारको काम सम्पन्न भएको कार्यालय प्रमुख कार्कीले बताउनुभयो । १० वटा मध्य दुई वटा गुम्बाको बिभिन्न कारणले पूर्ननिर्माणको काम गर्न नसकियको उहाँले बताउनुभयो । चालु आर्थिक वर्षमा पाल्हीनन्दन गाँउपालिकामा ५ ग्रेडको गुम्बा पुनर्निर्माण कार्य तयारी गरिएको छ । यसै गरि देवचुली नगरपालिकाको बौलाहा खोलामा पुल निर्माणको काम समेत शुरु गरिने प्रमुख कार्कीले बताउनुभयो ।