नागरिकले विश्वास गर्ने गरि काम गर्छु : नवलपुर प्रहरी प्रमुख मल्ल

दयाराम आचार्य
कावासोती । नागरिकले विश्वास गर्ने हिसाबले आफुले काम गर्ने जिल्ला प्रहरी कार्यालय नवलपरासी पूर्व (नवलपुर)का प्रहरी प्रमुख प्रकाश मल्लले बताउनु भएको छ । नागरिकको नजिक पुग्ने , समन्वय गर्ने र उनिहरुबाट आएका सुझावलाई मनन् गर्दै कार्य गर्ने उहाँले बताउनु भएको छ । मंगलबार कावासोतीमा पत्रकार सम्मेलनमा बोल्दै त्यसकालागि आफुले आफु मातहतका प्रहरीलाई निर्देशन दिएको समेत बताउनु भएको छ ।
‘मैले गस्तिमा जाने टोलीलाई समेत जति सक्दो नागरिक संग नजिक हुने, उनिहरुका कुरा बुझ्ने, समस्याका बारेमा सोध्ने, सुझावहरु लिने गरि काम गर्न निर्देशन दिएको छु’ प्रमुख मल्लले भन्नभयो –यसले नागरिकसंगको दुरी कम हुदै जाने र प्रहरी प्रतिको विश्वास बढदै जानेछ ।
पत्रकार सम्मेलनमा बोल्दै उहाँले तस्करी र कुनै पनि अनियमिताका काममा आफु र आफु मातहतका कुनै पनि प्रहरी संलग्न नहुने बताउनु भएको छ । आफ्नो कार्यकालमा जिल्लामा आर्थिक प्रलोभनका कुनै पनि काम प्रहरीको संलग्नता रहेको छ भन्ने अवस्था आउन नदिने समेत प्रहरी प्रमुख मल्लले बताउनु भएको छ ।
जिल्लामा हुने नदीजन्य पदार्थको चोरी निकासी, जुवातास खेलाउने काम लगाएत कानुन बिपरीतका हरेक काम नियन्त्रणकालागि आफु लाग्ने समेत उहाँले बताउनुभयो ।
प्रहरीप्रती हुने नागरिकको गुनासो मेटाउने गरि काम गर्ने उहाँले बताउनु भएको छ । त्यसका लागि हरेक नागरिकले प्रहरीलाई सहयोग गनर््पर्ने समेत प्रहरी प्रमुख मल्लले बताउनुभयो । कुनै अपराधीक घटना वा गैरकानुनी कार्यहरु हुनलागेको सूचना पाएमा प्रहरीलाई जानकारी गराए त्यसको नियन्त्रणमा सहयोग गरिदिन समेत उहाँले आग्रह गर्नु भएको छ ।