कावासोती । पूर्वी नवलपरासी (नवलपुर)मा बुधबार बिहान भिरबाट लडि एक जनाको मृत्यु भएको छ । जिल्लाको बुलिङटार गाउँपालिका ५ लपाक बस्ने वर्ष ३१ की पिहिसरा सार्कीको भिरबाट लडि मृत्यु भएको हो ।
बुधबार बिहान ६ः१५ बजेको समयमा लापाकको भिरमा घाँस काट्न जाने क्रममा सार्कीको मृत्यु भएको जिल्ला प्रहरी कार्यालय नवलपुरले जनाएको छ । घाँस काट्न गएकी सार्की अबेरसम्म घर नफर्केपछि आफन्तले खोजतलास गर्दा मृत अवस्थामा भेटेका हुन् ।
