कावासोतीमा लागुऔषध सहित दुई जना पक्राउ

कावासोती । पूर्बि नवलपरासीको कावासोतीबाट लागुऔषध सहित दुई जना युवा पक्राउ परेका छन् । शुक्रबार बिहान कावासोतीको खरकट्टा जंगलमा प्रहरीले चेकजाच गर्ने क्रममा पश्चिमबाट पूर्ब तर्फ जादै गरेको ध १ प ५६९१ नम्बरको मोटरसाईकलमा सवार दुई युवा पक्राउ परेका हुन् । पक्राउ पर्नेमा मोटरसाईकल चालक बाग्लुङ नगरपालिका २ बस्ने २२ बर्षिय संगम बस्याल र मोटरसाईकलमा सवार काठेखोला गाउँपालिका १ बस्ने २२ वार्षिय जीवन केसी रहेका छन् । प्रहरीले उनिहरुको साथबाट नुर्फिन १०० एम्पुल, डाईजेपाम १०० एम्पुल र फेनरागन १०० एम्पुल गरी जम्मा ३०० एम्पुल लागुऔषध बरामद गरेको छ ।