जिल्ला युवा समिति नवलपुरको अध्यक्षमा हिमाल सिंह ठकुरी

कावासोती । पूर्बि नवलपरासी (नवलपुर ) को जिल्ला युवा समितिको अध्यक्षमा हिमाल सिंह ठकुरी नियुक्त छन् । जिल्लाको मध्यविन्दु नगरपालिका–९ बसन्तपुरका ठकुरी जिल्लामा युवाहरु माझ लोकप्रिय रहेका छन् ।

ठकुरी मदन भण्डारी स्र्पोट एकेडेमी गण्डकी प्रदेशका सदस्य समेत हुन् । युवा तथा खेलकुद मन्त्री दावा लामाको अध्यक्षमा फागुन ३ गते बसेको बैठकले जिल्ला युवा समितिको अध्यक्षमा उनि सहित ७१ जनालाई मनोनयन गरेको हो ।

यसअघि तत्कालीन मन्त्री राजन केसीका पालामा मनोनयन भएका ६ जना जिल्ला अध्यक्षको पदावधि कायमै रहेकाले ७१ जिल्लामा नयाँ अध्यक्ष मनोनयन गरिएको परिषदले जनाएको छ । मन्त्री लामा र युवा परिषदका कार्यकारी उपाध्यक्ष माधव ढुंगेलबीच छलफलपछि ७१ ओटा जिल्लाको सूची तय भएको हो ।