चोरमारामा रेडियो पत्रकारिता तथा उद्घोषण तालीम शुरु

चोरमारा । सामुदायिक रेडियो दर्पण एफ एम ९९.२ मेगाहर्जको आयोजनामा आजबाट पाँच दिने रेडियो पत्रकारिता तथा उद्घोषण तालीम शुरु भएको छ । नवलपुरको विभिन्न स्थानबाट २० जनाको सहभागितामा तालिम सञ्चालन गरिएको हो ।

तालिमको उद्घाटन कार्यक्रममा बोल्दै प्रमुख अतिथी भिमलाल अधिकारीले जिवन उपयोगी सिपहरु सिकेर व्यवहारमा उर्तान आग्रह गर्नुभयो । सफलता नै सफलताको प्रतिक भएको भन्दै परम्परागत शैलि भन्दा आधुनिक शैलिलाई आफ्नो सुत्र बनाउनुपर्नेमा उहाँले जोड दिनुभयो । आफ्नै भोगाइबाट अनुभब लिनका लागि धेरै समय लाग्ने भन्दै उहाले तालिमबाट सिकेका सिपहरु नै महत्वपुर्ण हुने बताउनुभयो । अहिलेको युवा पुस्ताहरुलाई अगाडी बढ्नका लागि प्रबिधि नै बलियो माध्यम भएको भन्दै पत्रकारिताले निखारता ल्याउने बताउनुभयो । आफ्ना अनुभबहरु सुनाउदै उहाले हरेक व्यक्तीहरुमा ज्ञान संगै सस्कारको पनि मुल्यांकन हुने हुदा सोही अनुसार आगामी गतिबिधी सञ्चालन गर्न आग्रह गर्नुभयो ।

कार्यक्रममा बोल्दै कार्यक्रमका बिशेष अतिथी दर्पण एप.एम. सञ्चालक समिति उपाध्यक्ष देबलाल काफ्लले पत्रकारिताको माध्ययामबाट समाजमा भएका हरेक सकरात्मक नकरात्मक क्रियाकलापको उजागर गर्नुपर्ने बताउनुभयो । पाँन दिन सम्म सञ्चालन हुने तालिममा सहभागिहरुको सिकाईप्रतिको उत्सुकता निकै नै महत्वपुर्ण हुने भन्दै सोही अनुसार जिज्ञासा व्यक्त गर्न बताउनुभयो ।

तालिमको पहिलो दिनको सहजिकरण गर्दै स्टेशन म्यानेजर डुम्रेले विषय माथिको ज्ञान, त्यसप्रतिको रुचिले पत्रकारितालाई थप मजबुद गराउन भूमिका खेल्ने बताउनुभयो । तालिमको पहिलो दिन उद्घाटन, अपेक्षा संकलन, आचारसंहिता निर्माण सहितको बिषयमा कार्यक्रम सञ्चालन भएको थियो ।

तालिमको दोस्रो दिन पत्रकार रमेश बस्ताकोटीले सहजिकरण गर्ने स्टेशन म्यानेजर डुम्रेले जानकारी दिनुभयो । दर्पण एफ.एम. का स्टेशन म्यानेजर तिर्थराज डुमे्रको अध्यक्षतामा शुरु भएको तालिममा रेडियो सञ्चालक समिति अध्यक्ष भिमलाल अधिकारीको प्रमुख आतिथ्यतामा रहेको थियो ।
उद्घाटन शत्रमा कोषाध्यक्ष दिपा पंगेनीले स्वागत मन्तव्य राख्नु भएको थियो भने समाचार शाखाका गंगा विश्वकर्माले गर्नु भएको थियो ।