एमाले नवलपुरले पार्टी सदस्यता नविकरण र विस्तार अभियान तीब्र पार्‍यो

कावासोती । नेकपा ( एमाले ) नवलपुरले पार्टी सदस्यहरुको नविकरण तथा सदस्यता विस्तार अभियानलाई तीब्र बनाएको छ ।
एमालेले तीन बर्ष पछि पार्टी सदस्यता नविकरणको काम थालेको हो । पार्टी एकीकरणका बेला सदस्यता नविकरण तथा संगठन निर्माणका कामहरु हुन नसक्दा पार्टी नेतृत्व र कार्यकर्ता बीचको समन्वयमा कमी आएको थियो । यसले एमाले सरकारका पालामा गरेका कामहरु जनताकाबीचमा लैजान समस्या उत्पन्न गरेको थियो । पार्टी जीवनलाई जीवन्त राख्ने काम एकताका समयमा नहुँदा एमाले भएपछि संगठन विस्तारमा ध्यान दिएको हो ।

नेकपा एमाले नवलपुरका अध्यक्ष रोशनबहादुर गाहा मगरका अनुसार सदस्यता नविकरण, नयाँ सदस्यता प्रदान, जनवर्गीय संगठनहरुको भेला तथा सम्मेलनका काम स्थानीयतहहरुमा समेत हुन थालेको छ । पार्टीलाई जीवन्त गराउन गरिने सबै कामहरु थालिएका छन् एमालेका कार्यकर्ताहरु एकताबद्ध छन् । पार्टीमा आएको फुटले नवलपुरलाई असर गरेको देखिदैन ।
संघ,प्रदेश र स्थानीयतहका सबै जनप्रतिनिधिहरु एमालेमै हुनुहुन्छ अध्यक्ष गाहा मगरले भने –‘ एकता बद्ध एमाले नवलपुरमा छ , सबै कार्यकर्ताको भावना समटेर आफ्नो गतिबिधिलाई तीब्रता दिएका छौं’ । एमालेले एक संघीय सांसद, तीन प्रदेश सभा सदस्य, दुई नगरप्रमुख, दुई नगर उपप्रमुख, एक गाउँपालिका उपाध्यक्ष सहित ३३ वडा जितेको छ । ९२ वडामा एमालेले एक तिहाइ वडा अध्यक्ष २०७४ को निर्वाचनमा जितेको हो । साथै एमालेले भदौ २३ गते जिल्ला कमिटिको बैठक बसी असोज १ गते जिल्ला स्तरीय अगुवाकार्यकर्ता भेलाको आयोजना गर्ने भएको छ ।