समता शिक्षा निकेतनको २५ कोठे नयाँ भवनको सिलन्यास

कावासोती । नवलपुरको कावासोती नगरपालिका ३ मा समता शिक्षा निकेतनको २५ कोठे नयाँ विद्यालय भवन निर्माण हुने भएको छ । रु.७० लाखको लागतमा निर्माण सम्पन्न हुने उक्त विद्यालय भवन आगामी दुइ वर्षभित्रमा तयार गरिने भएको हो ।
उक्त विद्यालय हाल कावासोती–२ मा बासद्धारा निर्मित भवनमा सञ्चालनमा छ । नयाँ निर्माण हुने विद्यालय भवनको विहिबार कावासोती नगरपालिकाका प्रमुख विष्णुप्रसाद भुषाल र अन्य विशेष अतिथिहरुको संयुक्त उपस्थितमा सिलन्यास गरिएको हो । समता शिक्षा निकेतन गुठीले विगत २१ वर्षदेखि देशका सबै जिल्लामा मासिक रु १०० मा अङ्ग्रेजी माध्यममा विद्यार्थीलाई पढाउँदै आएको छ ।
कक्षा १२ सम्म अध्ययापन गराइने उक्त विद्यालयमा हाल ८ सय ९६ विद्यार्थीहरु अध्ययनरत रहेका छन् भने अब नया भवनको निर्माण पछि १ हजार विद्यार्थीहरुलाई अध्ययापन गराउने विद्यालयको लक्ष्य रहेको विद्यालयका प्रधानाध्यापक महेश भुर्तेलले बताउनुभयो ।