नवलपुरमा एमालेकाे मिसन ग्रासरुट अभियान वडास्तरमा पुग्याे

नवलपुर । नेकपा (एमाले)ले सञ्चालन गरेकाे मिसन ग्रासरुट (पार्टी सुदृढीकरण तथा बिस्तार )अभियान वडास्तरमा पुगेकाे छ । अभियान अन्तरगत आज देवचुलि नगरपालिका वडा नम्बर २ मा विस्तारित बैठक सम्पन्न गरेकाे छ । विस्तारित बैठकमा लागि पार्टी केन्द्रबाट अभियान्ताको रुपमा खटिनुभएका पार्टीका केन्द्रीय सदस्य जमिन्द्रमान घलेकाे प्रमुख आतिथ्यतामा सम्पन्न भएकाे छ । वडाकाे विस्तारित बैठकमा बाेल्दै प्रमुख अतिथि जमिन्द्रमान घलेले पार्टी  पंक्ति र निर्वाचित जनप्रतिनिधिलाई प्रत्यक्ष रुपमा स्थानियकाे समस्या सँग जाेडिदै समाधान गर्न निर्देशन दिनुभयाे । जवसम्म पार्टी  कमिटी र जनप्रतिनिधि प्रत्यक्षरुपमा स्थानिय सँग जाेडिदैन्न तब सम्म पार्टी सुदृढ नहुने भएकाले पार्टीले ग्रासरुण अभियान संचालन गरेकाे उहाँले बताउनु भयाे ।

वडाकाे विस्तारित बैठकमा प्रदेशबाट खटिनु भएका अभियान्ता गाेपेन्द्र केशरी न्याैपाने, जिल्ला कमिटी सदस्यहरु, नगर कमिटी र देवचुलि नगरपालिकाका जनप्रतिनिधिहरुकाे आतिथ्यतामा सम्पन्न भएकाे थियाे । नवलपुरमा हाल सम्म छ वटा पालिकाकाे विस्तारित बैठक सम्पन्न भई सकेकाे छ भने अब अभियानलाई वडा स्तरमा समेत शुरु गरिएकाे छ ।