गण्डकीमा खानेपानीको समस्या न्यूनिकरण गर्न तत्पर छुः मन्त्री अर्याल

मीनाक्षी कंडेल । गण्डकीको खानेपानी क्षेत्रमा देखिएका समस्या न्यूनिकरण गर्न तत्पर रहेको गण्डकी प्रदेश उर्जा ,सिंचाई तथा खानेपानी मन्त्री सरस्वती अर्यालले बताएकी छन् । मंगलबार कावासोती खानेपानी तथा सरसफाई उपभोक्ता संस्थाको २३ औँ साधारण सभालाई सम्बोधन गर्दै मन्त्री अर्यालले मानवजीवनका लागि खानेपानी महत्वपूर्ण रहेकाले प्रदेशका बिभिन्न जिल्लामा खानेपानी क्षेत्रमा देखिएका समस्या पहिचान गरी समाधान गर्दै आम गण्डकी वासीको सहज पहुँचताको रुपमा खानेपानी बिस्तार गर्न आफू लागि परेको बताएकी हुन । निर्वाचनको क्रममा जिल्लाका बिभिन्न ठाँउमा पुग्दा खानेपानीकै लागि घण्टौँ लागेर डोकोमा पानी लिएर जसोतसो आम नागरीकले खानेपानी जोहोकै लागि धेरै समस्या खेप्नुपरेको अवस्था प्रत्यक्ष देखेको बताउदै उनले अब सहज खानेपानी वितरणका लागि गण्डकी प्रदेश लागी परेको बताइन् । आफू फरक पार्टीबाट निर्वाचित भएर नेतृत्व गरेतापनि सेवा प्रवाहमा कुनै जाति ,पार्टी,नातागोता नहेरी समान रुपमा मन्त्रालयबाट उपलब्ध हुने आवश्यक सेवा प्रवाह गर्ने उनले बताईन् ।

नवलपुरबाट विभिन्न वडा तथा नगरबाट खानेपानीका लागि धेरै प्रस्ताव तथा योजना प्रदेशमा पुग्ने गरेकोमा अब खानेपानीको अभावकै कारण वास्तविक समस्यामा परेका नवलपुरको स्थान पहिचान गरेर खानेपानीको सहज पहुँचताको अवधारण अनुरुप बिभिन्न खानेपानी संस्था,नगर तथा वडाका प्रमुख एवम प्रतिनिधिसँग छलफल गरी खानेपानी बितरण कार्यमा समवन्य गरेर सहजत उपलब्धताका आधारमा खानेपानी पु¥र्याउने मन्त्री अर्यालले बताईन् । गण्डकी प्रदेश सभा सदस्य बिन्दु पहाडीले कावासोती खानेपानीले पछिल्लो समय खानेपानी बितरण कार्यमा राम्रो गर्दै आएको बताएकी छन् । उनले भनिन्,‘राम्रोलाई राम्रो भन्न सक्नुपर्छ,कावासोती खानेपानी संस्थाले नगरभित्रका बिभिन्न वडामा बसोवास गर्ने बिपन्न घरपारिवारलाई पहिचान गरी खानेपानी महशुल छुट,तथा निःशुल्क धारा जडान कार्य लगायत सामाजिक उत्तरदायित्व अन्र्तगत संस्थाले गरेको कार्यक्रमको प्रशंसा गर्दै आगामी दिनमा संस्थाको सफलता तथा कार्यकुशलताको कामना व्यक्त गरेकी थिईन् । आयोजित संस्थाको २३ औँ साधारण सभामार्फत संस्थाका अध्यक्ष दीपकराज लम्सालले खानेपानी संस्थाले एक आर्थिक वर्षमा गरेका महत्वपूर्ण कार्य ,भावी योजना,नीति तथा कार्यक्रम र चुनौती लगायतका बिषयमा जानकारी गराएका थिए ।