नवलपुरमा जुवातास खेल्ने ३७ जना पक्राउ, ७ लाख १५ हजार रकम बरामद

नवलपुर । नवलपुरमा तास खेल्ने ३७ जना पक्राउ परेकाछन् । जिल्लाका विभिन्न स्थानबाट साउन यता जुवातास खेल्ने ३७ जना व्यक्ति पक्राउ परेको जिल्ला प्रहरी कार्यालय नवलपुरका प्रहरी नायव उपरीक्षक वेद बहादुर पौडेलले बताउनुभयो ।

उहाँका अनुसार पक्राउ पर्नेमा सबै पुरुष रहेका छन् । पक्राउ परेकाबाट ७ लाख १५ हजार ५१५ रुपैँया बरामद गरिएको छ ।

यस अवधिमा जुवातासका चार वटा मुद्धा दर्ता भएकाछन् । पक्राउ पर्ने धेरै जसो चाडबाडको समयमा जुवातास खेल्ने रहेका छन् ।