बोलेरोको ठक्करबाट मोटरसाइकलमा सवार बुबाको मृत्यु, छोरी घाइते

काठमाडौं।चितवनमा गाडीको ठक्करबाट मोटरसाइकल चालकको मृत्यु भएको छ।शनिरबार बेलुका शरणपुरबाट नारायणगढ आउँदै गरेको बा.प्र. ०३-००१ च ११९७ नम्बरको बोलेरो गाडीले बा.प्र ०३-००३ प ८६२४ नम्बरको मोटरसाइकललाई भरतपुर महानगरपालिका-१६ शिवघाटमा ठक्कर दिएको जिल्ला प्रहरी कार्यालयका प्रवक्ता श्रीराम भण्डारीले नारायणी अनलाइलाई जानकारी दिए।गाडीको ठक्करबाट मोटरसाइकल चालक स्थानीय ४१ वर्षीय मधुसुदन खत्री र उनकी छोरी १५ वर्षीया अपेक्षा खत्री गम्भीर घाइते भएको प्रवक्ता भण्डारीले बताए ।

उनीहरू दुवैलाई उपचारका लागि नयाँ मेडिकल कलेज भरतपुर लगिएको शनिबार बेलुका साढे ७ बजे बाबुको मृत्यु भएको प्रहरीले जनाएको छ। उनकी छोरीको भने उपचार जारी छ। मृतक खत्रीको शव भरतपुर अस्पतालमा राखिएको प्रहरीले जनाएको छ ।