कावासाेतीमा स्टार कप जिल्ला स्तरीय ब्याडमिन्टन प्रतियोगिता हुँदै

नवलपुर । नवलपुरकाे कावासाेतीमा स्टार कप जिल्ला स्तरीय ब्याडमिन्टन प्रतियोगिता हुने भएको छ। कावासाेतीमा रहेको याेङ्ग स्टार क्लले यही पुस १० गतेदेखि जिल्ला स्तरीय ब्याडमिन्टन प्रतियोगिता गर्न लागेको पत्रकार सम्मेलन गरि जानकारी गराएको छ।
क्लबका अध्यक्ष आनन्द गुरुङका अनुसार प्रतियोगिता पुस १० गते देखि १२ गतेसम्म कावासाेती -२, मा रहेको याेङ्ग स्टार क्लबकाे कभर्डहलमा हुनेछ ।
प्रतियोगितामा ४५ बर्ष माथि सहित पुरुष ए, बी ,महिला र जुनियर अन्डर -१७, गरि करिब ७० वटा टिम सहभागी रहने क्लबका सचिव सागर कुमार गैरेले बताउनुभयो । प्रतियोगितामा बिजेताहरुलाई ट्रफी सहित नगद पुरस्कार प्रदान गरिनेछ ।
स्थानीय स्तरकाे ब्याडमिन्टन खेलाडीकाे दक्षता वृद्धि गर्न, माेफसलमा रहेका खेलाडीहरुकाे दक्षतालाई राष्ट्रिय स्तरमा पहिचान गराउने उधेश्य साथ प्रतियोगिता गर्न लागिएको क्लबका अध्यक्ष गुरुङले बताउनुभयो ।