देवचुलीका बिपन्न विद्यार्थीहरुलाई न्यानो कपडा वितरण

दलदले । देवचुली नगरपालिका वडा नम्वर ५ स्थित नेपाल धर्ती आधारभूत विद्यालयका सम्पूर्ण विद्यार्थीलाई न्यानो कपडा वितरण गरिएको गरिएको छ । जागृति वाल तथा युवा सरोकार नेपाल, परिवर्तनका लागी युवा नेपाल र बेटर नवलपरासीको संयुक्त आयोजनामा र विभिन्न व्यक्तिहरूको सहयोगमा कार्यक्रम भएको हो । बिहीवार न्यानो कपडा अन्तर्गत विद्यालयकै पोशाक ७० थान स्वीटर र टोपी एक कार्यक्रमका वीच प्रदान गरिएको जागृति बाल तथा युवा सरोकार नेपालका महासचिव दीपक शर्माले बताए ।
कार्यक्रममा प्रमुख अतिथि देवचुली नगरपालिकाका उप प्रमुख पार्वता तिवारीले देवचुली नगरपालिकाको बिकट गाउको रुपमा रहेको नेपाल धर्ती आधारभूत विद्यालयको शैक्षिकदेखि भौतिक गुणस्तर र पुर्वाधार विकासका लागी नगरपालिकाले योजनाका साथ सघाउने बताईन् । उप प्रमुख तिवारीले दरबन्दी र कर्मचारी मिलानका लागी सम्वन्धित विभागबाट बुझेर काम कारबाही अगाडी वढाइने बताईन् ।
वितरण कार्यक्रममा जागृति बाल तथा युवा सरोकार नेपालका सल्लाहकार होमनाथ जैसी, वाल परामर्शदाता तथा परिवर्तनका लागि युवा नेपालका सल्लाहकार खिमानन्द भुसाल लगायतले युवाहरुको पहलमा भएको यस्तो कार्य र अभियानले शिक्षाका क्षेत्रमा महत्वपूर्ण भूमिका खेल्ने भन्दै यस्ता खाले कार्यको निरन्तरताको अपेक्षा गर्दै शुभकामना भनाई राखे ।
न्यानो कपडा वितरण कार्यक्रमको औचित्यका वारेमा बोल्दै बेटर नवलपरासीका संयोजक बिश्वास लामिछानेले एक हप्ता अगाडी बिद्यालयका वारेमा अध्ययन गरी वास्तविक रुपमै जाडोको समयमा आधारभुत तहका विद्यार्थीहरुमा एकनासको पोशाक नहुदा विद्यालयमा उपस्थित हुन समेत अप्ठ्यारो परेको जसका कारण पठन पाठनमा प्रभाव परेकाले सामाजिक संजालमा अभियान थालेको बताउदै यस अभियानमा सहयोग पुर्याउने सबैमा धन्यवाद दिए । उनले यस अभियानले विद्यार्थीमा नियमित विद्यालयमा उपस्थिति हुने परिपाटीको विकास हुनुका साथै पठनपनठनमा सुधार आउने विश्वास गरे । विद्यालय व्यवस्थापन समितिका अध्यक्ष यम बहादुर दिस्वाको अध्यक्षतामा भएको कार्यक्रमको सहजीकरण परिवर्तनका लागी युवा नेपालका अध्यक्ष राजु चापागाईले गरेका थिए । देवचुली नगरपालिकाको वडा नम्वर ५ मा पर्ने नेपाल धर्ती आधारभुत बिद्यालय पहाडी तथा बिकट गाउका रुपमा मानिन्छ । बन्दीपुर, हर्खपुर, ढवाहा, पाटीश्वारा र मौलाथुम्की ५ वटा गाउँको यो एउटा मात्र प्राथमिक विद्यालय हो । प्रा वि तहको पढाई पछि माध्यमिक तहको शिक्षा लिनका लागी यहाका बालबालिका २ घण्टा हिडेर सकला मा वि केउरेनी अथवा भिमसेन आदर्श मा वि रामवास जानुपर्ने बाध्यता छ ।