अवैध नदिजन्य पदार्थ उत्खनन् र ओसारपसार गर्ने सवारीसाधन नियन्त्रणमा

कावासोती । जिल्ला प्रहरी कार्यालय नवलपरासी पूर्वले कावासोतीबाट अवैध नदिजन्य पदार्थ उत्खनन् र ओसारपसार गर्ने एक वटा जेसिबी र ६ वटा ट्र्याक्टर नियन्त्रणमा लिएको छ । गएराती कावासोती–११ लोकाहा खोलाबाट १ जेसिबी, २ ट्र्याक्टर नियन्त्रणमा लिएको हो ।

त्यस्तै गएराती नै विनयीत्रिवेणी–२ विनयीखोलाबाट ४ वटा ट्र्याक्टर गरी १ वटा जेसिबी ६ वटा ट्र्याक्टर अवैध रुपमा नदिजन्य पदार्थ उत्खनन् तथा ओसारपसार गर्दै गर्दा नियन्त्रणमा लिइएको डिएसपी सन्तोष पाठकले बताउनुभयो । नियन्त्रणामा लिएको सवारी साधन र चालकलाई आवश्यक कारवाहीको लागी राखिएको उहाँले बताउनुभयो ।