नवलपुरमा एचआईभी संक्रमितका लागि जिल्लामै औषधी

दयाराम आचार्य
कावासोती । एचआईभी संक्रमित व्यक्तीले सेवन गर्ने एआरटी औषधीको नवलपरासी पूर्व नवलपुरबाट बितरण शुरु गरिएको छ । पूर्व नवलपुरको मध्यविन्दु नगरपालिका ,चोरमारा स्थित चोरमारा प्राथामिक स्वाथ्यकेन्द्रमा एआरटी सेवा केन्द्रको स्थापना गरिएको छ । सेवा केन्द्रको स्थापना संगै एआरटी औषधीको बितरण थालिएको छ । केन्द्रको स्थापना संगै जिल्लामा रहेका एआरटी सेवन गर्दै आएका एचआईभी संक्रमितहरुलाई औषधी सेवनका लागि सहजता हुने भएको छ । एचआईभी संक्रमितहरुले नियमित रुपमा सेवन गर्नु पर्ने एआरटी जिल्लामा उपलब्ध नहुदा ,भरतपुर ,बुटवल ,परासी लगाएतका स्थान सम्म धाएर औषधी सेवन गर्नुपर्ने बाध्यता रहेको थियो ।
सरकारले निशुल्क रुपमा एचआइभी संक्रमितहरुले सेवन गर्ने एआरटी औषधी वितरण गर्दै आएको छ । नवलपुरमा एक सय ७७ जना एचआइभी संक्रमित पहिचान भएको जिल्ला जनस्वास्थ्य कार्यालय नवलपरासी पूर्वका निमित्त प्रमुख इन्द्रमणी भण्डारीले जानकारी दिए । संक्रमित मध्य ८६ जना पुरुष र ९१ महिला रहेका छन् । बालबालिकाको संख्या १६ रहेको छ । जस मध्य एक सय ७० जनाले एआरटी औषधी सेवन गर्दै आएका छन् । सात जनाले बिभिन्न कारणले एआरटी औषधी सेवन गर्न छाडेका छन् ।
आर्थिक अवस्था कमजोर हुने संक्रमित व्यक्तीहरुलाई मासिक रुपमा औषधी लिन जान समेत समस्या हुने गरेकोकोमा जिल्लामानै एआरटी सेवा केन्द्रको स्थापना भएकोमा संक्रमितिहरुले खुसी ब्यक्त गरेका छन् । जिल्लामा एआरटी केन्द्रको स्थापना नहुदा स्वास्थ्यजा“चका लागि समेत समस्या हुनेगरेको उनिहरुको गुनासो रहेको थियो । एआरटी सेवा केन्द्र स्थापना संगै अब जिल्लामानै औषधी उपलब्ध हुने र स्वास्थ्य जा“चका लागि पनि अन्य जिल्लामा धाउनुपर्ने बाध्यता नरहने भन्दै संक्रमितहरुले खुसी ब्यक्त गरेका छन् । एआरटी सेवा केन्द्र जिल्लामानै स्थापना हुनुले ,बिचमै एआरटी सेवन गर्न छाडने,औषधीनै सेवन नगर्ने अवस्था निर्मूल हुने एचआईभिको क्षेत्रमा काम गर्दै आएको संस्था लुम्बिनि प्लसका अध्यक्ष निर्मला पौडेलले बताईन् । नवलपुरमा जिल्ला अस्पताल स्थापना संगै एआरटी केन्द्र समेत अस्पतालमानै स्थापना गर्ने भनिएको भए पनि जिल्ला अस्पतालको टु¨ो नलागेपछी चोरमारा प्राथामिक स्वास्थ्य सेवा केन्द्रमानै एआरटी केन्द्र स्थापना गरिएको मध्यविन्दु नगरपालिका स्वास्थ्य शाखा प्रमुख पारेश्वर भुर्तेलले जानकारी दिए । केन्द्र संचालनका यस सम्बन्धि तालिम प्राप्त चिकित्सक र परामर्शकर्ता आवश्यक पर्ने भएकाले राष्ट्रिय एड्स तथा यौन रोग निवारण केन्द्रले यसको प्रबन्ध गरेकाले सेवा केन्द्र स्थापना गर्न सकिएको उनले बताए ।