प्राथमिक स्वास्थ्य केन्द्र डेढगाउमा एक्सरे सेवा सुरु

ज्ञानु पंगेनी

कावासोती । नवलपुरको पहाडी गाउपालिका बौदीकाली र बुलिङ्गटार गाउपालिकाका बासिन्दालाई एक्सरे गर्नुपरेमा एक दिन नै खर्चेर कावासोती , भरतपुर र पोखरा धाउनुपर्ने बाध्यता थियो तर , त्यो बाध्यता अब भने समाप्त भएको छ ।
नवलपरासी पूर्वको बौदीकाली गाउपालिकामा रहेको प्राथमिक स्वास्थ्य केन्द्र डेढगाउमा एक्सरे मेसिन संचालनमा आएपछि स्थानीयले एक्सरे सेवा अब आफ्नै ठाउबाट पाउने भएका छन । नेपाल सरकार, विभिन्न दातृ निकाय र गाउपालिकाको सहयोगमा एक्सरे मेसिन संचालनमा ल्याउन सफल भएको स्वास्थ्य केन्द्रका प्रमुख मेग वहादुर ठाडाले जानकारी दिए । एक्सरे मेसिन गत वर्षको साउन मा नै ल्याएर राखेको भए पनि त्यसका लागि आवश्यक पर्ने केमिकल, रिल ,सहयोगी सामाग्री , कोठा र बाथरुम बनाउन नसक्दा थन्किएको थियो । अहिले सबैको सहयोगबाट एक्सरे मेसिन संचालनमा आएको ठाडाले बताए ।
एक्सरेको मुख्य सामाग्री स्वास्थ्य सेवा विभाग आपुर्ती महाशाखा काठमाण्डौले गत वर्ष नै उपलब्ध गराएको थियो भने एक्सरे संचालनका लागि १० किलोवाटको जेनेरेटर पनि बौदीकाली गाउपालिकाले गत वर्ष नै सहयोग गरेको थियो । यस वर्ष सामाग्री खरिद गर्न गाउपालिकाले दुई लाख रुपैया सहयोग गरेकाले एक्सरे संचालनमा ल्याउन सफल भएको ठाडाले जानकारी दिए । विकट पहाडी गाउपालिका भएकाले केन्द्रिय प्रशारणको विद्युत् अझै पुग्न नसक्दा वैकल्पिक उर्जाबाट मेसिन संचालन गर्नुपर्ने बाध्यता रहेको छ । जसका कारण महङ्गगो समेत पर्ने ठाडाले बताए ।

यस स्वाथ्य केन्द्रमा एक्सरे संचालनमा आएपछि बौदीकाली गाउपालिका , बुलिङ्गटार गाउपालिकाको पश्चिमि भेग र तनहुको घिरिङ्ग गाउपालिकाका स्थानीय लाभान्वित भएका छन । आफ्नै ठाउमा एक्सरे सेवा संचालन भएपछि स्थानीय समेत खुसी भएका छन । डेढगाउकी कृष्ण कुमारी विशिले गाउमा एक्सरे मेसिन नहुदा बजारका अस्पतालमा पुगेर सेवा लिनुपर्दा धेरै नै समस्या हुदै आएकोमा अब भने उक्त समस्या समाधान भएको बताईन । उनले भनिन – एक्सरे गर्नुपरे कावासोती , भरतपुर कि त पोखरा धाउनुपरथ्यो , समय पनि बढि लाग्थ्यो खर्च पनि बढि लाग्थ्यो अब भने धेरै सहज हुने भयो । ’