राजनीतिलाई सेवामुखी वनाउनपर्छ : रामचन्द्र पौडेल

दयाराम आचार्य
कावासोती । नवलपरासीको हुप्सेकोट गाउंपालिका –१, मा अपाङ्गता भएका व्यक्तहरुलाई ह्वील चियर,वैशाखी ,सेतो छडी र कम्बल वितरण गरिएको छ । आज (सोमबार) समाजवाद अध्यन केन्द्र चांगुनारायण ,भत्तपुरको सहयोगमा चौध जनालाई ह्वील चियर,आठ जनालाई बैशाखी ,पांच जनालाई सेतो छडी र एक सय १४ जनालाई न्यानो कपडा कम्बल वितरण गरिएको हो । सामाग्रिहरु नेपाली कांग्रेसका वरिष्ठ नेता रामचन्द्र पौडेलले वितरण गर्नुभएको थियो । सामाग्रि वितरण गर्दै नेपाली काग्रेसका वरिष्ठ नेता रामचन्द्र पौडेलले राजनीतिलाई सेवामुखी,निर्माणमुखी र राष्ट्रको विकासमुखी बनाउनुपर्ने बताउनुभएको छ । ‘मैले बुझेको राजनीति सेवा हो ,यहां सेवा बिपरित अर्कै किमिसबाट राजनीतिमा खेल खेल्न लागिएको छ, त्यसबाट जोगाउनुपर्छ’ पौडेलले भन्नुभयो –यसलाई सेवा,निर्माण र राष्ट्रको विकासमुखी बनाउनुपर्छ ।
राजनीति भनेको छुद्रयाई,फट्याई गरेर,साम,दाम,दण्डभेदको प्रयोग गरेर सत्ता कब्जा गर्ने अनि मनपरी गर्ने खेलरहेछ भन्ने मासिनमा बुझाई परेकाले राजनीति प्रति वितृष्ण बढेको भन्दै ,अब यो परिपाटीलाई बदल्नुपर्ने उहांले बताउनुभयो । आफुले राजनीतिलाई सम्मानमुखी ,सिद्धान्तमुखी बनाउन आवाज उठाउदै आएको भन्दै वरिष्ट नेता पौडेलले राजनीति भनेको के हो ,राजनीति के बाट संचालीत हुनुपर्छ , के बाट पे्ररित हुनुपर्छ भन्ने कुरालाई बहस चलाएमात्र राजनीति सम्मानित हुने बताउनुभयो ।
एक सय १४ थान न्यानो कपडा कम्बल स्वर्गीय तेजकुमारी देउजाको स्मृतिमा उहाका छोरा रामशरण देउजाले प्रदान गर्नुभएको र अन्य सामाग्रि बिभिन्न दाताहरुबाट संकलन गरि वितरण गरिएको समाजवाद अध्यन केन्द्र भक्तपुरका अध्यक्ष दुर्गा फुंयालले जानकारी दिनुभयो । नेपाली कां¨े्स हुप्सेको गाउंपालिका –१, को संयोजनमा सामाग्रि वितरण गरिएको हो ।