नवलपुरमा दुर्घटना न्युनिकरण गर्न युवाहरु सक्रिय बन्दै

कावासोती । पूर्बि नवलपरासी नवलपुरमा दुर्घटना न्युनिकरण गर्न युवाहरु सक्रिय बनेका छन् । दुर्घटना न्यूनिकरणको लागि शनिबार पनि नवलपुरका युवाहरुले डण्डा बजारमा ट्राफिक सचेतना कार्यक्रम गरेका छन् । बिभिन्न क्षेत्रमा काम गर्ने ति युवाहरु दुर्घटना न्युनिकरण गर्ने लागी परेका छन् । जिल्लाको कावासोतीमा रहेको नवलपुर एफ. एम., हरीयाली संस्था र वातावरण जनजागरण विकास मञ्चमा आबद्द भएका ति युवाहरु दुर्घटना न्युनिकरणमा सक्रिय भएका हुन् । उनिहरुले शनिबार कावासोती १६ डण्डामा रहेको श्री जनता मा. वि. विद्यालय अगाडि राजमार्गमा जेब्रा क्रसिङ निर्माण गरिदिएका छन् । विद्यालय अगाडि राजमार्गमा निर्माण गरिएको जेब्रा क्रसिङले स्थानीयबासि देखी विद्यार्थीहरुलाई समेत बाटो क्रस गर्न सहज हुने विद्यालय व्यवस्थापन समितिका सदस्य केशमायाँ कुवरले बताए । सोही अवसरमा राजमार्गमा गुड्ने सवारी चालकहरुलाई दुर्घटना न्युनिकरण सम्बन्धि जानकारी गराएका थिए । सोही अवसरमा बोल्दै हरीयाली संस्थाका अध्यक्ष एल.एन. दवाडीले जेब्रा क्रसिङ्गबाटै बाटो क्रस गर्नका लागि समेत सबैलाइ आग्रह गरे । निर्माण गरिएका जेब्राक्रसिङहरु टिकाउ नहुने र १,२ हप्तामानै मेटिने समस्या देखिएको बताउदै दवाडिले टिकाउ पुर्ण रङरोगन नेपाल सरकार सडक डिभिजन कार्यालयले मात्र यो कलर उपलब्ध गराउन सक्ने हुदा नेपाल सरकार डिभिजन कार्यलाई घचघचाउने बताए ।तिब्र गति जीवनको क्षती लगाएतका नारा सहित विभिन्न ट्राफिक नियमका जनचेतनामुलक सन्देश दिँदै कार्यक्रम सम्पन्न गरिएको थियो । उक्त्त कार्यमा करिब ५० जना भन्दा बढी युवाहरुको सहभागिता रहेको थियो ।