यो सरकार जति लामो समय चल्छ, त्यतिनै देशको प्रगति रोकिन्छ : एमाले सचिव विष्ट

पोखरा । नेकपा एमालेका सचिव गोकर्ण विष्टले प्रचण्ड नेतृत्वको सरकार लामो समय चल्नु देशका लागि राम्रो नभएको बताएका छन् । प्रेस चौतारी नेपाल गण्डकी प्रदेश समितिले शनिबार पोखरामा आयोजना गरेको पत्रकार भेटघाट कार्यक्रममा सचिव विष्टले यो सरकार आफ्नै खुट्टामा नउभिएकाले लामो समय चल्नु देशका लागि राम्रो नहुने बताएका हुन् ।

‘यो सरकार आफ्नै खुट्टामा उभिएको छैन । यो सरकारको नीति, कार्यक्रम, बजेट, कार्यशैली र यसले जनतालाई दिइरहेको सेवालाई हेर्ने हो भने यो सरकार लामो समय चल्नै हुँदैन,’ उनले भने, ‘यो सरकार जति लामो समय चल्छ । त्यतिनै देशको अधोगति हुन्छ, त्यतिनै देशको प्रगति रोकिन्छ । त्यसकारण यो सरकार लामो समय चल्नै हुँदैन ।’

एमाले समाजवादी मोर्चा बनाउने सन्र्दभका केही नसोचेको सचिव विष्टले सुनाए । उनले भने, ‘विभिन्न पार्टीहरुले मोर्चा बनाउन लागेको समाचार आइराखेका छन्, उहाँहरुको कुरा हो । नेकपा एमाले पार्टीलाई सदृढ बनाउँछ, थप मजमुद बनाउँछ । आम जनताको मन जितेर एमाले अगाडी बढ्छ ।’