नवलपुरमा व्यापार: व्यवसायी पलायन बढ्दो ,कावासोतीमै सय भन्दा बढी व्यवसाय बन्द

सृजना कंडेल(मिनाक्षी)कावासोती । कावासोतीको बिमला अधिकारीले फिल्महल चोकमा भाँडा पसल गर्दै आएको १० वर्ष भयो । कुनै बेला उनको अर्जुन भाँडा पसलमा ग्राहकको थामी नसक्नु भिड हुन्थ्यो । राम्रो व्यापारका लागि उनलाई कुनै चाडपर्वको पर्खाइमा बस्नु पर्दैनथ्यो ।तर पछिल्लो समय ग्राहक पाउनै मुस्किल भएको अधिकारी बताउछिन् । अहिले आर्थिक मन्दी हुनु, बैंक ब्याजदर बढ्नु साथै पूर्वपश्चिम राजमार्ग निर्माणधीन रहेको लगायतका कारणले अहिले सामान्यतया दिनमा १० देखि १५ हजारको ब्यापार गर्न बिशेष समय र दिननै कुर्नुपर्ने अवस्था सृजना भएको उनी सुनाँउछिन् । त्यसोत नवलपुर सहित देशभर आर्थिक मन्दीका कारण यतिबेला सफल व्यवसायी पनि बिस्थापित तथा पलायन हुने अवस्थामा छन्।

विगत १० वर्षदेखि खाद्यान्न व्यापार गर्दै आएको सञ्चालक शंकर जयसवाले भने –‘दैनिक उपभोग्य वस्तुको व्यापारमा समस्या होला भनेर सोचेका थिएनन । अहिले व्यापारमा ७५ प्रतिशतले कमि आएको छ ।’ पहिले सामान लिन पालो पर्खिनुपथ्र्यो तर अहिले ग्राहक नै आउदैनन् । उनले भने, ‘ पछिल्लो समय २५ प्रतिशतमा व्यापार झरेको छ । खै केको मन्दी भएर हो वा अरूको व्यापार बढेर हो’, बुझ्नै सकिरहेको छैन । यहाँका व्यापारीको मनोबल उच्च बनाउन र तत्काल समस्या समाधानका लागि रणनीतिक पहलकदमीको काममा सरोकारवालाले चासो दिन आवश्यक रहेको जयसवालको सुझाव छ । बिमला अधिकारी  र जयसवालको मात्र होईन नवलपुरका अधिकांश अन्य ठूला तथा साना व्यवसायीको पनि समस्या उस्तै छ । नवलपुर उद्योग वाणिज्य संघका महासचिव सागर पोखरेलले विलासिताका वस्तुको व्यापार गर्नेहरु मात्र नभई दैनिक उपभोग्य सामान बेच्ने पनि समस्यामा पर्नु गम्भीर चिन्ताको विषय भएको बताँउछन् । पोखरेलको अनुसार नवलपुरको बजार क्षेत्रमा व्यापार व्यवसाय निरन्तर ओरालो लागेपछि हालसम्म कावासोतीमा मात्रै एक सय भन्दा बढी व्यापारीले सटर बन्द गरिसकेको बताए । उनले भने –‘ सटर बन्द हुने क्रम निरन्तर बढ्दो छ ।

आधा दर्जन भन्दा बढी ठूला व्यापारी बैंक तथा साहुको ब्याज तिर्न नसकेर बिस्थापितको हुने अवस्थामा पुगेका छन् ।’ व्यापारमा सुधार नहुँदा पसलहरु बन्द हुने मात्रै होइन बैंकको ऋण तिर्न नसक्दा यतिबेला यस क्षेत्रका ब्यवसायी समस्यामा परेका छन् । यस बिषयको तत्काल समाधानको उचित उपाय नभए समस्या झन भयावह हुँदै जाने पोखरेलको भनाइ छ । कोरोना महामारी, अन्तर्राष्ट्रिय प्रभाव, बैंकिङ क्षेत्रमा देखिएको तरलता अभाव, आर्थिक शिथिलता, कारोबारमा आएको मन्दीलगायत कारण सि·ो देशले समस्या भोगिरहेको छ । पोखरेलले जिल्लामा आफ्नै घरमा व्यवसाय गरेकाले जसोतसो व्यवसाय धानेको भएपनि भाडामा सटर लिएर व्यवसाय गर्नेहरुलाई यो सयम घरभाडा बुझाउन समेत मुस्किल परेको बताउछन् । ब्यापार घाटा बढ्दै गएपछि अहिले नवलपुरबाट २५ प्रतिशत व्यवसायी बिस्थापित हुने अवस्था रहेको पोखरेल बताउछन् ।

अहिले पसल नयाँ खोल्ने र पुरानो पसल खरिद गर्नेहरु जिल्लामा त्यति देखिदैनन् । यो समस्या न्यूनिकरण गर्न व्यवसायी सँग आन्तरीक राजश्व कार्यालयले लिने करमा छुट, बैङक तथा बित्तिय संस्थाको चर्को ब्याजदर न्यूनिकरण,स्थानीय पालिकाको सहयोग तथा समवन्य ,केही समयका लागि घरभाडा छुट लगायतका गतिबिधि गर्न सके व्यवसायीहरुलाई केही राहत पुग्ने र ब्यापारलाई यथास्थितीमा र्फकाउन सहज हुने पोखरेलले बताए । आर्थिक मन्दी बैंकको चर्को ब्याजदरका कारण ब्यवसायीहरु प्रत्यक्ष मर्कामा त छदैँ छन् । तर केही वर्षदेखि निर्माणधिन अवस्थामा रहेको पूर्वपश्चिम राजमार्गमा उड्ने धुलो धुवाँको कारण पनि नवलपुरको बजार क्षेत्रका व्यवसायीहरु समस्यामा परेका छन् ।

यो समाचार संसोधन गरिएको हो ।