विश्वज्योति माविले मनायो रजत जयन्ति

आदर्श सुशिल
देवचुली । देवचुली नगरपालिका–१५ प्रगतिनगरमा रहेको विश्वज्योति माध्यमिक बिधालयले रजत जयन्ति बर्ष सम्पन्न गरेको छ । विश्वज्योति माध्यमिक बिधालयका व्यवस्थापन समितिका अध्यक्ष मोति प्रसाद अर्यालको अध्यक्षता एवं नेपाली काङ्ग्रेसका महामन्त्री तथा प्रतिनिधि सभा सदस्य प्रा.डा.शशांक कोइरालाको प्रमुख आतिथ्यतामा कार्यक्रम सम्पन्न भएको हो । कार्यक्रममा बोल्दै प्रमुख अतिथि कोइरालाले विश्वज्योति माध्यमिक बिध्यालयले शिक्षा क्षेत्रमा पूर्याएको योगदानको उच्च कदर गर्दै आगामी दिनमा अझै सफल हुन् शुभकामना समेत ब्यक्त गरे । बिधालयको रजत जयन्तिको अवसरमा बिभिन्न व्यक्तिहरुलाई सम्मान समेत गरिएको थियो । सम्मानित हुनेहरुमा बाराका जिल्ला शिक्षा बिकास इकाई प्रमुख डोलराज पाण्डे,धनकुटाका पुर्व क्षेत्रीय निर्देशक खड्क बहादुर कमाल,नवलपरासीका पुर्व जिल्ला शिक्षा अधिकृत चोलेन्द्र पण्डित र गैंडाकोट नगरपालिकाका रिसर्च पर्सन टिकाराम सापकोटालाई सम्मान गरिएको थियो । यसैगरी सोहि अवसरमा उत्कृस्ट शिक्षक कर्मचारी,उत्कृस्ट बिद्यार्थी,भूतपूर्व शिक्षकलाई समेत सम्मान गरिएको थियो । साथै बिधालय स्थापनाकालमा महत्वपूर्ण योगदान दिने देवचुली,कावासोती र गैंडाकोटका अभिभावक र दिर्घ सेवा पदकबाट ९ जनालाई सम्मान गरिएको थियो । विश्वज्योति माध्यमिक बिधालयले २०७४ फाल्गुन १६ गतेबाट आफ्नो रजत बर्ष मनाईरहेको थियो ।