मध्यबिन्दु अस्पतालको भष्ट्राचार फाईल अख्तियारमा

कावासोती । कावासोत १६ डण्डाको मध्यबिन्दु सामुदायिक अस्पतालमा भष्ट्राचार भएको भनि जिल्ला प्रशासन कार्यालय नवलपुर मा परेको निबेदन उपर थप अनुषन्धानको लागी अख्तियार दुरुपयोग अनुषन्धान आयोगमा फाईल पठाईएको छ ।
मंगलबार नवलपुरको जिल्ला अस्पताल समेत घोषण भएको उक्त्त मध्यबिन्दु अस्पतालमा भष्ट्राचार भएको भनि केही साता अगाडि जिल्ला प्रशासन कार्यालय नवलपुरमा उजुरी परेको थियो । जिल्ला प्रशासन कार्यालय नवलपुरका प्रशासकिय अधिकृत आनन्द भुषाललाई अनुषन्धान अधिकृतको रुपमा खटाई यस बिषयमा जिल्ला प्रशासनले अनुषन्धान गरेको थियो ।
अनुषन्धानको आधारमा अस्पतालको भौतीक सरंचना निमार्णमा आर्थिक अनियमीता हुन सक्ने आंशकामा जिल्ला प्रशासन कार्यालय नवलपुरले अख्तियार दुरुपयोग अनुषन्धान आयोग बुटवललाई फाईल पठाएको बुझिएको छ । मध्यबिन्दु अस्पतालले भौतकि सरंचना निमार्ण र भौतिक सरंचना निमार्ण खरीदका लागी आवश्यक समाग्रीको गोप्य दरभाउ टेण्डर आब्ह्वान सुचना नै गलत तरिकाले निकालीएको जिल्ला प्रशासन कार्यालय नवलपुरले प्रतिबेदनमा उल्लेख गरेको छ । प्रतिबेदनमा टेण्डर आब्ह्वानको सुचना राष्ट्रिय पत्रिकामा निकाल्नु पर्नेमा अस्पतालको सुचना पाटीमा मात्रै सुचना टास गरी टेण्डर आब्ह्वान गरेको देखिन आएको स्रोतले जनाएको छ । गोप्य दरभाउ सुचना आब्ह्वान पछि ठेक्काको लागी १३ वटा फर्मको निबेदन परेको थियो । गोप्य दरभाउ सुचना अनुसार टेण्डर हालेका फर्म मध्य दुइ वटा फर्मको मात्रै कागजात पुरा भएको तर कागजात पुरा भएको फर्मलाई ठेक्का नदिई अन्य फर्मलाई नै ठेक्का दिएको भेटिएको छ ।
दुवो कन्स्ट्रक्सन र गंगा कन्स्ट्रक्सनले मात्रै सुचना अनुसार संस्था दर्ताको प्रमाण पत्रको पतिलिपी र आयकर चुक्ता प्रमाण पत्र राखेका थिए । अन्य ११ वटा फर्मको कागजात पुरा नभएको देखिन आएको अनुषन्धान अधिकृतको प्रतिबेदनमा उल्लेख रहेको छ । मध्यबिन्दु अस्पताल सञ्चालक समितिले भौतीक संरचना निमार्णको लागी ईजिनियर सन्तोस ओझालाई छनोट गरेको छ भने भैतीक संरचना निमार्णमा प्रयोग हुने सिमेन्टको लागी कावासोतीको भण्डारी ईन्टरप्राईजेज्बाट जग्दम्बा सिमेन्ट छनोट गरेको छ । यि दुबै फर्मको टेण्डर हाल्दा आवश्यक कागजात पुरा थिएन । कागजात पुरा नभएको फर्मलाई ठेक्का दिने र अझ सस्तोमा निमार्ण गर्ने , सस्तोमा सिमेन्ट उपलब्ध गराउने फर्मलाई ठेक्का नदिनु नै भष्ट्रचार हुन सक्ने आशंका भएको छ ।
यस अघि पनि मध्यबिन्दु अस्पतालमा भष्ट्रचार भएको भन्दै कावासोतीका युवाहरुले बिरोध सोरुप जिल्ला प्रशासन कार्यालय नवलपुरलाई ध्यान आर्कषण जनाएका थिए । बिदेशीको सहयोगमा निमार्ण भईरहेको भौतीक सरंचना निमार्णमा अस्पताल समितिले भवन निमार्ण ठेक्का दिदा र निमार्ण सामाग्री खरिदमा भष्ट्रचार गरेको युवाहरुले प्रमुख जिल्ला अधिकारी दिपक राज नेपाल लाई बताएका थिए । मध्यबिन्दु अस्पताल सञ्चालक समितिले सर्वजनिक खरिद ऐन अन्र्तगत रही टेण्डर गरेको तर कमीसनको चक्करमा ऐन बिपरीत गई निमार्ण समाग्री खरिद गरी भष्ट्रचार गरेको ति युवाहरुको भनाई थियो । नवलपुरको जिल्ला अस्पताल समेत रहेको मध्यबिन्दु अस्पतालमा भौतीक सरंचना निमार्णमा अस्पताल सञ्चालक समिति ,ठेकेदार र सामाग्री उपलब्ध गराउने फर्मको मिलोमतोमा आर्थिक सुशासन बिपरित भष्ट्रचार भएको भन्दै जिल्ला प्रशासन कार्यालय नवलपुरमा उजुरी परे पछि जिल्ला प्रशासनले अनुषन्धान सुरु गरेको थियो । यता मध्यबिन्दु अस्पताल डण्डाका सञ्चालक समिति अध्यक्ष चेतनाथ पोख्रेलले अस्पताल भित्र भैतिक संरचना निमार्णमा कुनै भष्ट्रचार नभएको दाबि गदै आईरहेका छन् । उनले भैतिक संरचना निमार्णको लागी टेण्डर प्रकृयामा धेरै पक्षबाट कमिसनको अफर आएपनि आफुहरु कमिसनको चक्करमा नलागी अस्पतालमा गुणस्तर युक्त्त बनाउन लागी परेको बताएका छन् । अध्यक्ष पोख्रेलले अस्पतालमा निमार्ण भई रहेको भैतिक संरचना निमार्णको गुणस्तरमा आफुहरुले कुनै अनैतिक सम्झैता गर्न नसक्ने भन्दै अस्पताल भित्र कुनै भष्ट्रचार नभएको दाबि गरेको छन् ।

नमुना सन्देश साप्ताहिकमा समाचार छ ।