धारिलो हतियार प्रयोग गरी युवकको हत्या

काठमाडौं  ।काठमाडौंको कीर्तिपुर नगरपालिका-१० बोडेटोलमा धारिलो हतियार प्रयोग गरी एक युवकको हत्या भएको छ। आज दिउँसो धारिलो हतियार प्रहार गरेर गुल्मीको धुर्कोट गाउँपालिकाका विपिन घिमिरेको हत्या भएको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक पवनकुमार भट्टराईले जानकारी दिए।

धारिलो हतियार प्रहारबाट गम्भीर घाइते भएका विपिनको मृत्यु भएको हो। हतियार प्रहार गर्नेको पहिचान खुलिसकेको प्रहरीले जनाएको छ। प्रारम्भिक जानकारीअनुसार साथी-साथीबीच झगडा हुँदा हतियार प्रहार भएको प्रहरीले जनाएको छ।