निर्माण व्यवसायी संघ नवलपुरका अध्यक्ष हेमु शंकर देवकोटाद्वारा बाढीपीडितका लागि ५५ हजार ५ सय ५५ रुपैयाँ सहयोग

कावासोती । निर्माण व्यवसायी संघ नवलपुरका अध्यक्ष हेमु शंकर देवकोटाले भोटेकोशी नदीमा आएको बाढीबाट प्रभावित नागरिकको उद्धार तथा राहतका लागि ५५ हजार ५ सय ५५ रुपैयाँ सहयोग गर्नुभएको छ।

अध्यक्ष देवकोटाले उक्त रकम प्रधानमन्त्री दैवी प्रकोप उद्धार कोषमा जम्मा गर्नुभएको हो। उहाँले कुमारी बैंकमार्फत  उक्त रकम कोषमा जम्मा गरेको जानकारी दिनुभयो ।

भोटेकोशी नदीमा आएको बाढीका कारण विभिन्न क्षेत्रमा ठूलो जनधनको क्षति भएको र प्रभावित नागरिकको उद्धार तथा राहतका लागि सहयोग आवश्यक रहेको अवस्थामा अध्यक्ष देवकोटाले मानवीय भावनासहित सहयोग गर्नुभएको हो ।

विपद्को समयमा पीडित नागरिकलाई राहत उपलब्ध गराउन तथा उद्धार कार्यमा सहयोग पुर्‍याउन सबै क्षेत्रबाट सहयोग र सहकार्य आवश्यक रहेको उहाँले बताउनुभएको छ। देवकोटाको यो सहयोगले बाढीपीडितको राहत तथा उद्धार अभियानमा केही भए पनि टेवा पुग्ने अपेक्षा गरिएको छ।