पश्चिमाञ्चल यातायात व्यवसायी संघ नवलपुरका उपाध्यक्ष भण्डारीद्वारा बाढीपीडितका लागि ५५ हजार ५ सय सहयोग

कावासोती । पश्चिमाञ्चल यातायात व्यवसायी संघ नवलपुरका उपाध्यक्ष पर्शराम भण्डारी (रामु)ले भोटेकोशी नदीमा आएको बाढीबाट प्रभावित नागरिकको उद्धार तथा राहतका लागि ५५ हजार ५ सय रुपैयाँ सहयोग गर्नुभएको छ।

उहाँले बाढीबाट प्रभावित तथा विपद्मा परेका नागरिकलाई राहत पुर्‍याउने उद्देश्यले उक्त रकम प्रधानमन्त्री दैवी प्रकोप उद्धार कोषमा सहयोग गर्नुभएको हो। भोटेकोशी नदीमा आएको बाढीका कारण विभिन्न क्षेत्रमा ठूलो जनधनको क्षति भएको अवस्थामा उद्धार तथा राहत अभियानमा आफ्नोतर्फबाट सहयोग पु¥याएको उपाध्यक्ष भण्डारीले बताउनुभएको छ।

विपद्को समयमा पीडित नागरिकलाई सहयोग गर्नु सबैको सामाजिक दायित्व भएकाले मानवीय भावनाका साथ सहयोग गरिएको उहाँको भनाइ छ। भण्डारीको सहयोगले बाढीपीडितको उद्धार तथा राहत अभियानमा थप टेवा पुग्ने अपेक्षा गरिएको छ।