साना किसान सबलीकरण परियोजनाको स्थलगत अनुगमन

ज्ञानु पंगेनी

नवलपुर , २ असार

नवलपुरको मध्यविन्दु नरपालिकामा हेफर ईन्टरनेशनलद्धारा संचालन गरिएको साना किसान सबलीकरण परियोजनाको स्थलगत अनुगमन गरिएको छ ।
मधयविन्दु नगरपालिका प्रमुख चन्द्र वहादुर राना , उपप्रमुख ओम कुमारी महतो , प्रमुख प्रशाशकिय अधिकृत दुर्गादत्त पौडेल , परियोजना संचालन भएका वडाहरुका वडा अध्यक्ष तथा कार्यपालिका सदस्य , कार्यक्रममा परियोजना संयोजक विष्णु प्रसाद कंडेल , पत्रकार लगायतको सहभागितामा मध्यविन्दु १२ तमासपुरमा संचालित परियोजनाको अनुगमन र स्थानीय महिलाहरुसंग अन्तरकृया कार्यक्रम गरिएको थियो ।
सहकारीले प्रदेश सरकारको अनुदानमा निर्माण गर्न थालेको कृषि उपज संकलन केन्द्रको निरिक्षण समेत गरिएको थियो ।
मध्यविन्दु १२ मा रहेको अरुणज्योती सामाजिक महिला उद्यमि सहकारीद्धारा आयोजना गरिएको अन्तरकृयामा परियोजना अन्तरगत भए गरेका कार्यक्रम र सहकारीले गरेका कार्यक्रमका बारेमा सहकारीकी ब्यवस्थापक सुमित्रा पाल्पालीले जाकारी गराएकि थिईन ।

हेफरको सहयोगमा संचालन गरिएको खसी बोका तथा बाख्रा बिक्रीबाट ३ लाख २९ हजार ५ रुपैया नाफा भएको बताईन । विगत तीन वर्षबाट तमासपुरमा खसी बोका तथा बाख्रा बिक्रि केन्द्र स्थापना गरेर किसानले उत्पादन सहकारी मार्फत् सोझै ब्यापारीकोमा त्रिक्रि वितरण गर्दै आएको बताईन । बिचौलिया मार्फत् बिक्रि वितरण गर्दा किसानलाई नाफा कम हुने , किसानले लगानी गरे अनुसार प्रतिफल समेत पाउन नसक्ने अवस्था थियो तर बिक्रि केन्द्र स्थापना गरेर सोझै बिक्रि वितरण गर्न थालेपछि किसानलाई नाफा पनि बढि भएको उनले बताईन ।
यस्तै किसानलाई मल बिउ तरकारी , घासको बिउ, धानको बिउ , दाना चापट , खनिज ढिक्का र पशु स्वाथ्य प्राविधिक सहयोग गर्दै आएको , प्रदेश सरकारको पशुपंछी तथा मत्सय विकास निर्देशनालय पोखराबाट ३८ लाख रुपैयाको अनुदान प्राप्त गरि कृषि उपज संकलन केन्द्र स्थापना गरि निर्माण कार्य चलिरहेको समेत उनले बताईन ।
५ कठ्ठा जग्गा भाडामा दिएर तरकारी खेती समेत गर्दै आएको उनले जानकारी दिईन ।

कार्यक्रममा बजार प्रतिनिधी रुद्र प्रसाद अर्यालले काम गर्दा किसानहरुले भोग्नु परेको समस्याको बारेमा नगर प्रमुख तथा सम्बन्धित शाखालाई ध्यानाकर्षण गराएका थिए । सहकारी मार्फत् खसी बोका अन्य जिल्लाहरुमा निर्यात् गर्दा ठेकेदारहरुले मनपरि रुपमा रकम असुल्ने गरेकाले यसलाई नियमन गर्न उनले आग्रह गरेका थिए । प्रति खसी बोका ५० रुपैयासम्म ठेकेदारलाई तिर्न बाध्य भएको गुनासो गरे । यस्तै विभिन्न स्थानमा जाच गर्दा अनावश्यक रुपमा दुःख दिने गरेको , गाई भैसी मा मात्रै नभई बाख्रा , कुखुरा लगागत पशुहरुको पनि पशु विमा कार्यक्रम संचालन गर्न सके किसानलाई राहत पुग्नेमा उनले जोड दिएका थिए ।

कार्यक्रममा नगर प्रमुख चन्द्र वहादुर रानाले मध्यविन्दु नगरपालिकालाई कृषिबाट नै समृद्धि हासिल गर्न सकिने भएकाले कृषिको क्षेत्रलाई आफुले सधै प्रथमिकता दिदै आएको बताए । नगरपालिकाले ठेकेदारहरुलाई कुन कुन शिक्र्षकमा शूल्क लिने भन्ने लिष्ट नै दिएकाले पशुमा जथाभावि शूल्क लिएको भए त्यसका बारेमा जाच बुझ गरि त्यस्ता कार्य रोक्ने प्रतिबद्धता जनाए । मध्यविन्दु नगरपालिकामा केरा , कागती , तरकारीको खेती राम्रो हुने गरेको भन्दै रानाले प्रबद्र्धनका लागि पहल गर्ने प्रतिबद्धता जनाए यसै गरि बाखा्र र माछा पालनतर्फ किसानहरुलाई प्रात्साहन गर्ने खालका कार्यक्रम समेत ल्याईने बताए ।