मध्यबिन्दु नगरपालीका बडा न ८ लाई यहि फाल्गुण महिना भित्र पुर्ण सरसफाई घोषणा गर्ने

चोरमारा । मध्यबिन्दु नगरपालीका बडा न ८ लाई यहि फाल्गुण महिना भित्र पुर्ण सरसफाई घोषणा गर्ने भएको छ । आज बडाका अध्यक्ष परशुराम महत्तो अध्यक्षतामा बसेको छलफलले यहि महिनामा पुर्ण सरसफाई घोषणा गर्ने निर्णय गरेको हो ।
कार्यक्रममा नै रहनुभएकी मध्यबिन्दु नगरपालीका कार्यपालीका सदस्य तथा बडा न ८ का बडासदस्य सिता पाठक देबकोटाले पुर्ण सरसफाई घोषणा गर्नका लागि अभियान कै रुपमा लागी परेको बताउनुभयो ।गत असार मा घोषण गर्ने भनिएको कार्यबिशेषले मिति सरेको भन्दै यहि फागुन भित्र नै गर्ने भएको जानकारी दिनुभयो ।
उहाले बडाबासीहरुलाई स्वथ्य राख्नका लागि पहिलो सरसफाई बाट नै सुरुवात गरिएको भन्दै निलो र हरिया रंगको स्टीकर टासेर पुर्ण र आंशिक सरसफाई छुटटाइएको बताउनुभएको थियो । उहाले केहि घरमा निलो रंगको स्टीकर टासिएको भएतापनि सरसफाईको जोड दिदै हरियो रंगको स्टीकरलाई स्थान दिइएको बताउनुभएको थियो । देबकोटाले सरसफाइ भएनभएको फेरी अबलोकन गरि मात्र घोषणा गर्ने बताउनुभएको थियो ।
कार्यक्रमको प्रशिक्षकको रुपमा वास अधिकृत राजेन्द्र वराल रहनुभएको थियो । कार्यक्रम मध्यबिन्दु नगरपालीकाका बडा न ८ का वडाअध्यक्ष परशुराम महत्तोको अध्यक्षतामा सम्पन्न भएको हो ।
सो अबसरमा बडासदस्य इवलाल पाण्डे , बिमला दर्जी , मिना कुमाल , सुआहार फिल्ड सुपरभाइजर सकुन्तला नेपाली , पोषण सहजकर्ता, कोइकाका शिब महत्तो लगाय सम्पुर्ण उग्रज वडाबासीहरुको उपस्थीति रहेको थियो ।