हुप्सेकोट गाउँपालिकामा पत्रकार सापकोटामाथि कुटपिट

कावासोती । समाचार संकलनको लागि हुप्सेकोट गाउँपालिकाको कार्यालय गएका स्टार टेलिभिजन कावासोतीका पत्रकार अर्जुन सापकोटा माथि मंगलबार कुटपिट भएको छ ।
गाउँपालिकामा उपाध्यक्ष स्वतन्त्र कोपिला मल्लले आयोजना गरेको पत्रकार सम्मेलनमा समाचार संकलनको लागि गएका सापकोटा माथि गाउँपालिका अध्यक्ष लक्ष्मि पाण्डेको छोरा एवम् स्वकीय सचिव हुप्सेकोट गाउँपालिका–३ का रसिक लामिछाने र सोही स्थान बस्ने प्रमोद ढुंगानाले कुटपिट तथा मोवाईल नियन्त्रणमा लिई सम्पूर्ण सामाग्री नष्ट गरेको अर्जुन सापकोटाले बताएका छन् । ढुंगानाले कुटपिट गरेको र लामिछानेले मोवाईलन नियन्त्रणमा लिई मोवाईलमा रहेको सम्पूर्ण सामाग्रीहरु फम्र्याट गरेको सापकोटाले बताए ।
गाउँपालिकाका उपाध्यक्ष मल्लले पत्रकार सम्मेलन गरिरहेको समयमा बाहिर होहल्ला भएपछि सो दृश्य कैद गरिरहेको समयमा आफुमाथि कुटपिट र मोवाइलको समाग्री नष्ट गरिएको भन्दै सापकोटाले जिल्ला प्रहरी कार्यालय नवलपरासी (बर्दघाट सुस्ता पूर्व)मा उजुरी दिएका छन् । सापकोटाबाट कार्यालयमा उजुरी प्राप्त भएको र सो सम्बन्धमा अनुसन्धान भइरहेको एसपी दिपक रेग्मीले बताए । गाउँपालिकाको प्रमुख गाउँपालिका अध्यक्ष भएको भन्दै उपाध्यक्षले बोलाएको पत्रकार सम्मेलनमा किन आएको भन्दै उपस्थित अन्य पत्रकारहरुलाई समेत दुव्र्यवहार गरेका थिए ।