बजाज पल्सर १२५ कावासोतीमा सार्वजनिक, यस्तो छ मूल्य र विशेषता

कावासोती । बजाज पल्सर १२५ कावासोतीमा पनि बिहिबार सार्वजनिक भएको छ । बजाज मोटरसाइकलका लागि कावासोतीको आधिकारिक वितरक चेक ईन अटो प्रालि कावासोतीले बजाज पल्सर १२५ कावासोती बजारमा लन्च गरी बिक्री समेत सुरु गरेको छ ।
यो मोटरसाइकलमा १२५ सीसीको एयर कुल्ड सिंगल सिलिन्डर इन्जिन रहेको छ। जसले १३ बीएच पावरका साथै १२ एनएम टर्क उत्पादन गर्छ। यसले होन्डा सीबी साइन, यामाहा सलुटो तथा टीभीएस स्टाइकरसँग प्रतिस्पर्धा गर्ने छ। यसमा ५ स्पीडको म्यानुअल गियरबक्स दिइएको छ। नियोन ब्ल्यू, सोलार रेड र प्लाटिनम सिल्भर कलर अप्शनमा उपलब्ध रहेको यो मोटरसाइकल २ लाख २४ हजार ९ सय रुपैयाँ मूल्य रहेको चेक ईन अटो प्रालि कावासोतीका कार्यकारी निर्देशक राम शर्मा लामिछानेले बताए । कावासोतीमा बजाज पल्सर १२५ नेपाल पत्रकार महासंघ नवलपरासीका संस्थापक अध्यक्ष भुपेन्द्र शर्मा भट्टराईले एक कार्यक्रमका बिच सार्वजनिक गरेका थिए ।