एसईईमा पास गराईदिने भन्दै ४ लाख रुपैया भन्दा बढी ठगी

कावासोती । पूर्ब नवलपरासीको गैडाकोट २ मा संचालित हिमालयन टेक्निकल इन्स्टीच्युटका संचालक बर्ष ४८ को शिव जंग श्रेष्ठले प्राईभेट एसईई पास गराई दिन्छु भनि बिधार्थीहरु बाट ठगी गरेका छन् । उनले बिभिन्न शिर्षकमा शुल्क बापतको रु.४,९३,८७५ रकम उठाई प्राईभेट एसईई रजिष्ट्रेशन फारम समेत नभरी बिधार्थीहरुलाई परिक्षा दिन बाट बञ्चित गराएको नवलपुर प्रहरीले जनाएको छ । बिधार्थीहरुको शुल्क समेत फिर्ता नदिएको भन्दै ९ जना बिधार्थीहरुले ईलाका प्रहरी कार्यालय गैडाकोटमा जाहेरी दिएको पछि ठगी गर्ने शिव जंग श्रेष्ठलाई प्रहरीले पक्राउ गरी ठगी मुद्दा दर्ता गरि आवश्यक अनुसन्धान भईरहेको जनाएको छ ।