३ दिनमा ७ जना कोरोना संक्रमित थपिए , नेपालमा संक्रमितको संख्या १६ पुग्यो

काठमाडौं । नेपालमा कोरोना भाइरस (कोभिड १९) को जोखिम बढ्दै गएको छ । पछिल्लो ३ दिनमा लगातार नयाँ संक्रमित देखिएका छन् । आइतबार ३ जना नयाँ संक्रमित देखिएकोमा सोमबार २ र मंगलबार २ जनालाई कोरोना पुष्टि भएको छ । पछिल्लो ३ दिनमा मात्रै ७ जनामा कोरोना संक्रमण देखिएको छ । आइतबार वीरगञ्जमा रहेका ३ जनालाई कोरोना पुष्टि गरिएको थियो । सोमबार कैलाली र रौतहटमा १÷१ जना कोरोना संक्रमित देखिएका थिए । मंगलबार पुनः काठमाडौंको पेप्सिकोलास्थित सनसिटी अपार्टमेन्टमा बस्ने २ जनामा कोरोना पुष्टि भएको छ ।
हालसम्म नेपालमा संक्रमितको संख्या १६ पुगेको छ । दिनदिनै संक्रमित बढ्दै गएको अवस्थामा सरकारले लकडाउनको अवधि बढाउने र लकडाउनमा कडाइ गर्ने नीति लिएको छ । त्यस्तै, परीक्षणलाई पनि थप विस्तार गरिने जनाइएको छ ।